李璧琦蛇蠍美人上身 專演「唔安份女人」
廣告
無綫劇《三個女人一個「因」》即將進入大結局，除咗主角黃智雯外，飾演奸角Helen嘅李璧琦亦引起觀眾注意，39歲李璧琦劇中多次色誘CEO陳智燊，更被爆曾經扮夢遊謀殺親夫，十足十蛇蠍美人，近日佢仲喺網上晒出多張性感誘人嘅紅色泳衣照，真係點睇都唔似係就快40歲嘅女人！
撰文：東方新地｜圖片：新傳媒圖片庫、李璧琦FB
李璧琦色誘陳智燊
李璧琦演過唔少貴婦、警察、專業人士嘅角色，近期佢就多數扮演「唔安份嘅女人」，包括《同盟》中床戰「叔仔」敖嘉年、喺《波士早晨》色誘公司高層黃智賢等，今次佢喺《三個女人一個「因」》演嘅奸角Helen，就係個野心勃勃嘅女公關，多次胸壓色誘CEO上司陳智燊，臨到大結局，佢仲被揭發曾經扮夢遊謀殺親夫，掀起劇集高潮位！
晒惹火泳衣
39歲李璧琦日前仲喺復活節過後、清明節前夕向粉絲豪派福利，著上一件頭嘅高衩火紅色泳衣，大騷4吋事業線同白滑長腿，並留言︰「你們好嗎？明天又放假了！既然大家還是Holiday mood，不如一起同陽光玩遊戲，跳起來吧！」
