李施嬅

李施嬅Staycation戴粉紅罩 著浴袍歎海景早餐

最新娛聞
東方新地

廣告

正在拍新劇《金宵大廈2》的李施嬅，劇中一人分飾多角，壓力都唔少，不過佢就好識享受，早前百忙中抽空去Staycation，減壓後再充電搏殺，在酒店內飲飲食食再浸個美容浴，絕對是人生一大樂事。美中不足的是李施嬅一個人去Staycation，孤單食飯同歎紅酒，點解唔預埋佢班「胡說八道」好姊妹呀？

撰文：東方新地 圖片：李施嬅IG圖片及視頻截圖

李施嬅盛裝去Staycation

李施嬅去Staycation竟然帶劇本同行，佢在IG留言：「有這個美景，單獨同劇本的約會都變得浪漫💕。 香港真美。」
李施嬅去Staycation竟然帶劇本同行，佢在IG留言：「有這個美景，單獨同劇本的約會都變得浪漫💕。 香港真美。」
身穿花花裙的李施嬅與酒店靚景融為一體，真係識享受。
身穿花花裙的李施嬅與酒店靚景融為一體，真係識享受。

潮流興Staycation，李施嬅亦唔執輸，雖然已為《金宵大廈2》投入拍攝工作，但她仍抽到時間去酒店歎吓世界，日前她悉心打扮，穿上粉色花花裙去Staycation，疫情之下當然要做足準備，她還戴了一個粉紅色口罩，襯到絕。

李施嬅第一時間當然是CHECK IN啦！
李施嬅第一時間當然是CHECK IN啦！

李施嬅對海刨劇本

李施嬅在酒店內影了不少靚相同視頻，帶粉絲進入她的Staycation世界，她悠閒地行入酒店大堂，有員工為她測量體溫，防疫功夫做到足，之後她check in上酒店房，一開門就見到無敵大海景，維港景色盡入眼簾，李施嬅對住個靚景睇劇本，在IG留言：「活在當下，發掘潛藏內心的強大光芒。……短暫出走，享受屬於自己的時間和空間，讓我準備就緒面對接下來的挑戰。大家看看我的Staycation精華片段，一睹我的充電之旅如何為我注滿能量。」

一入到房即見維港靚海景。
一入到房即見維港靚海景。
李施嬅見到酒店特別為她準備的WELCOME小點與飲品，覺得很窩心。
李施嬅見到酒店特別為她準備的WELCOME小點與飲品，覺得很窩心。
視頻中的李施嬅戴住粉紅色口罩行入餐廳，即有酒店員工為她測量體溫。
視頻中的李施嬅戴住粉紅色口罩行入餐廳，即有酒店員工為她測量體溫。
午餐在中餐廳食點心，李施嬅原來都幾大食。
午餐在中餐廳食點心，李施嬅原來都幾大食。
又金箔蝦餃又蛋撻，李施嬅好識食。
又金箔蝦餃又蛋撻，李施嬅好識食。
就連廚師都走出來與林施嬅閒聊，問佢點心好唔好食。
就連廚師都走出來與林施嬅閒聊，問佢點心好唔好食。

李施嬅一個人的晚餐

之後李施嬅再帶大家去參觀酒店內的餐廳，見她點了金箔蝦餃幾咁豪，成枱都是點心，一個人食得晒？個廚師還走出來與她閒聊，到晚飯時候李施嬅又享受一個人的西餐，有男侍應體貼地為她倒紅酒，環境同服務都一流，不過李施嬅一個人Staycation略嫌孤獨囉！

到了晚餐時間，李施嬅一個人食飯，有男侍應為她倒紅酒。
到了晚餐時間，李施嬅一個人食飯，有男侍應為她倒紅酒。
李施嬅拎住杯紅酒貌似很享受。
李施嬅拎住杯紅酒貌似很享受。
晚飯後又去飲嘢，李施嬅自攜相機留下美好回憶。
晚飯後又去飲嘢，李施嬅自攜相機留下美好回憶。
李施嬅仲用手機玩自拍，與海景合照。
李施嬅仲用手機玩自拍，與海景合照。

著浴袍食早餐

瞓醒一覺到第二朝，著住浴袍的李施嬅都係一個人對住個海食豐富早餐，如果個畫面多幾個好姊妹，或者李施嬅心儀的男士，這個Staycation係咪幸福好多呢？

第二朝瞓醒，李施嬅著偽浴袍又自拍。
第二朝瞓醒，李施嬅著偽浴袍又自拍。
佢想話畀大家知，佢食咗一個超級豐富的早餐。
佢想話畀大家知，佢食咗一個超級豐富的早餐。
對住個海景歎早餐，咁至係GOOD MORNING。
對住個海景歎早餐，咁至係GOOD MORNING。

熱門文章