李悅彤被網民狙擊介入李心潔婚婚姻舊聞七字霸氣回覆

李悅彤豪言問心無愧

Liddy回覆網民時指自己問心無愧：「我對得起所有人﹗」更指老土啲講「夜半敲門也不驚﹗」又表示這是她最後一次回應有關小三的事，因為只想低調生活，平時忙於照顧家庭、貓狗，沒有空閒理會其他事情，強調要向前看「今年嘅新年願望希望各位『前』途無量，『前』路一片光明，不要做個向後倒的人。」

李心潔與彭順成功過度婚姻危機，經歷小三李悅彤後，為彭順誕下一對孖仔，早前帶同孖仔及老公與前妻所生的大女，四人行出遊，相當愉快。 — 李心潔與彭順成功過度婚姻危機，經歷小三李悅彤後，為彭順誕下一對孖仔，早前李心潔帶同孖仔及彭順與前妻所生的大女，四人行出遊，相當愉快。

年初三情人節當日，李心潔出po祝大家情人節快樂，雖然老公彭順無上鏡，但見她拎住香檳笑容滿臉，相信同老公甜蜜慶祝情人節。

中空水著湊仔

早前新冠肺炎疫情要閉關湊仔，佢亦玩玩新意，自製吹氣泳池同囝囝在家中天台嬉水，大晒母愛之餘，其生B後升級的噴血身材更加搶fo！

早前Liddy在IG上載與囝囝的玩水照片，留言說：「今夏第一下水禮！終於有去旅行嘅感覺啦！」雖然疫情稍有緩和，不過她都沒有鬆懈，同囝囝James繼續閉關，只在家中天台，自製吹氣泳池與囝囝嬉水，相中的Liddy換上黑色超性感泳衣，雖然是一件頭泳衣，但泳衣中空到肚臍相當誘惑，加上生B後Liddy的上圍升Cup，性感程度真係令人噴血。

淡出娛樂圈、18年低調嫁澳門富商鮑偉業，為保護夫家少有提及老公背景，升呢做咗媽媽嘅佢，相夫教子之餘，亦大搞家品生意及做KOL教人整BB副食品。

做咗人母，Liddy近年做KOL都係教人整BB副食。

李悅彤陀B嫁富二代

「小三」本性難移，14年只有26歲仲係𡃁模的李悅彤 Liddy，就以青春無敵生擒48歲李心潔老公彭順，偷食事件搞到滿城風雨，兩人極速斬纜，彭順最終獲李心潔原諒，不過做「小三」被千夫所指，Liddy依然未有學乖，去年被揭陀B後自爆已經嫁人，但原來澳門富二代老公鮑偉業，同樣是人夫人父。

同彭順因拍戲撻著，但影大合照時刻意扮避忌。

做過彭順小三

14年介入彭順李心潔婚姻，被拍到同彭順親暱行商場，旁若無人攬腰又啜嘴，被封超強小三，幸好彭順獲李心潔原諒，夫妻和好，李心潔更在16年7月誕下一對孖仔。

解畫話識人老婆

其實早於15年，Liddy已經被拍到同鮑偉業孖住在銅鑼灣行街撐枱腳，不過當時Liddy就只承認同對方是朋友關係，誰知報道出街，又再被讀者踢爆男方早有家室，當時Liddy迅速轉口風解畫，更指一早認識對方老婆，唔怕會被誤會云云，但事隔四年，Liddy已經踢走人妻做埋鮑太兼生埋仔。

18年被揭懷孕，李悅彤迅速自爆已同澳門富商鮑偉業結婚，同年誕下囝囝，並在旺角帝景酒店為囝囝大搞百日宴，與港澳親朋慶祝。

Liddy圈中好姊妹Coffee和藍莓亦有出席百日宴。

圈中姊妹到賀

成為愛情贏家，Liddy於18年10月更誕下兒子James，曾為兒子在旺角帝景酒店舉行百日宴，大宴港澳親朋，不過「小三」本性就未能過到奶奶一關，據知情者透露：「Ivan同前妻係門當戶對，鮑母本來就好鍾意呢位賢淑新抱，個仔要離婚佢當然好反對，見頭家就咁散晒梗係唔開心，加上Liddy同彭順單嘢搞到咁大，個底咁花，思想傳統嘅鮑母接受唔到，至今都仲未釋懷！」

派現金

當晚百日宴請來四川變臉大師表演外，更設有38888元大抽獎，送現金給現場到賀的親友。

前年兒子 James滿月，李悅彤孖老公低調慶祝。

晒巨鑽

升呢做闊太，Liddy亦今時唔同往日，連湊仔都唔覺意騷吓大大粒鑽戒。

做公關成功埋身

嫁富商變上等人生活無憂，Liddy婚後更獲老公打本做老闆娘在葵涌開設家品店，不過，多次受訪她都堅拒談老公，封嘴原來有因。據知情者透露：「Liddy15年轉咗做活動策劃，就係喺佢依家老公Ivan間公關公司打工，佢好快已經埋到老闆 Ivan身邊，唔止係得力助手，兩個仲發展埋戀情，本來Ivan同老婆感情好好，又有個三歲嘅仔不知幾幸福，喺14年Ivan兩公婆仲結伴飛峇里參加過阿B同范姜嘅婚禮，不過，Liddy出現佢同老婆關係就唔同晒，最後Ivan為咗Liddy選擇同老婆離婚，關係咁複雜，加上男家屋企好低調，Liddy咪封口唔提！」幸福不是必然，成功嫁人上岸，Liddy真係要好好珍惜！