緋聞多多嘅李思捷花弗形象深入民心！曾同陳雅倫、胡杏兒、萬綺雯及黃心穎等傳緋聞，只曾認過王寶寶係佢過氣情人！

過氣女友王寶寶

嗒熟女陳雅倫

啜人妻萬綺雯

唔知係咪食開熟女同人妻有條癮，今日，李思捷被爆又有新歡，睇下頁…

李思捷新歡居然係34歲大馬火辣人妻謝麗萍(Amber)！女方喺facebook上載二人合照，留言認思捷係其新男友：「My New boyfriend Johnson Lee思捷……」相中可見思捷疑從後攬實女方，更嘟嘴輕輕啜落Amber面上，仔細再睇二人都面紅紅，似乎飲咗唔少酒！

其實Amber唔止身材惹火，來頭亦好勁，有馬來西亞第一名模之稱！17歲入行做model，22歲獲選為2004年Guess Watch全球代言人，從此人氣急升，成為大馬首席模特，2005年更榮獲「馬來西亞最性感藝人」名銜，自此奠定大馬首席名模之位！而Amber咁出名，因此亦認識唔少香港藝人，除了思捷之外，楊明都係其朋友。

不過，據知Amber於2010年已經結婚，現育有一子！因此今次公開戀情，令Amber fans感到好奇怪！

據知，當晚係Amber老公生日P，李思捷同喬寶寶獲邀出席，而喬寶寶幫思捷辨護：「嗰日係Amber老公生日，仲有另外一個女仔，人哋老公喺度點拍拖啫？其實思捷份人好專一，Amber都係玩。」

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk