李彩華走出情傷 大騷火辣性感身材
廣告
早前，李彩華承認與相戀三年嘅「新五虎」何遠恆忍痛和平分手，當時多次傳出婚訊的她對於分手一事感到十分難過，被問及分手時一臉憔悴，更一度哽咽回應，而且有傳她在今年嘅情人節及農歷新年，都是孤單度過。但近日，李彩華可能已經走出情傷折磨，心情大為改善，皆因她在個人IG上分享了幾張性感水著相，事業線表露無遺，大騷火辣身材！睇嚟李彩華已經回復心情～
撰文：東方新地｜圖片：IG、新傳媒圖片庫
李彩華著住泳衣嘟嘴賣萌
近日李彩華（Rain）上載咗兩張黑色性感泳衣相，雖然件泳衣係一件頭，但唔好以為係啲密實款式，泳衣低胸的設計令Rain嘅事業線一覽無遺，勁吸睛！心情靚靚嘅李彩華帶上大黑超，大擺性感甫士，索到爆嘅佢，睇到人噴哂鼻血，之後更喺相中嘟嘴賣萌，認真佻皮。
李彩華身材勁吸睛
之前，李彩華上載咗一張飾物相，件飾物掛咗喺個電子屏幕隔離，並表示飾物是出於自己最近欣賞嘅設計師之手，但眼球就完全對焦唔到落件飾物到，皆因咁啱個螢幕顯示住一張Rain 著住一件同款的黑色泳衣，相中可見佢個頭微微向上望向天空，但重點就落咗喺佢深深嘅事業線上，真係睇到人心跳加速！
李彩華缺乏安全感
李彩華同當年的「新五虎」何遠恆15年時經朋友介紹認識，想不到原來兩人於今年一月已經分手。想當年，兩個前度王傲山及潘啟翀同阿Rain拍拖，一個瞞住女友外邊偷食，另一個又做疊馬仔欠下巨債，向阿Rain借千萬還債，令她對愛情缺乏安全感。
李彩華想趁早生B
李彩華想趁後生早啲生小朋友，但何遠恆比阿Rain年長十年，理應相當成熟，可惜拍拖三年，對方卻未有為二人將來計劃，感情一直原地踏步，最終更落得分手下場。
李彩華唔怕無人追
李彩華16歲入行，試過為父還過百萬欠債，被當時的經理人公司寰宇雪藏，捱過唔少辛酸日子，不過，11年憑內地劇《回家的誘惑》爆紅，身家不斷上漲之外，近年Rain個樣都再進化，愈變愈靚，顏值隨年齡增長反而有增無減，真係唔怕無人追～
