無綫小花李君妍家人確診肺炎 《姊妹淘》停廠 ！ 大台人心惶惶恐中招
撰文：東方新地｜圖片：Instagram、電視截圖、微博
家人確診28歲李君妍急停手上節目
上星期才加入《姊妹淘》班底的李君妍，近日都有不少拍攝工作，今早（31號）更與孫慧雪、蔡嘉欣等到尖沙咀拍攝外景，拍攝過程中並沒有佩戴口罩。一收到姐姐初步確診的消息，Lola便通知了《姊妹淘》班底成員，包括莊思敏、張寶兒、吳若希等。雖然Lola現時已經自行安排病毒測試，結果為陰性，仍然令大台不少同事人心惶惶。目前Lola將會停下手上工作，自我隔離14日。
至於早前跟她一齊進行錄影拍攝的孫慧雪、蔡嘉欣亦會進行測試和自我隔離。
網民留言狠批： 「你好黑心」
家人有事，都在李君妍預計之外，但有肉緊的網民就留言狠批：
網友表示：「你好黑心，為咗演出機會，罔顧他人生命安全。你家姐難道突然間唔舒服？？肯定先前有徵兆，係你唔理only。宜家搞到公司所有同事擔驚受怕，又要再麻煩其他人消毒一次，你有無再自私d💩💩💩以後有你的劇集罷看，你在哪個台都一樣，無品兼無腦BYE」
李君妍入行10年靠搏上位 Bra Top「胸」贏傅嘉莉
要數Lola近年最高討論度作品，就係喺18年劇《特技人》中演飾演𡃁模袁丸一角。雖然只係以一貫3、4線配角嘅角色登場，但今次Lola出場時絕對亮眼，皆因佢著起Bra Top 與傅嘉莉打拳一幕，大騷深長事業線，性感之餘，仲十分吸睛！
Lola喺劇中著住黑色Bra Top與傅嘉莉打拳，罕有喺鏡頭前露出深長事業線！該幕一出，Lola隨即搶去傅嘉莉鏡，仲被網民稱該幕為「全劇最醒神亮點」！
《特技人》除咗有女主角朱晨麗（朱朱）有機會騷身材外，原來做配角嘅李君妍都有份晒線！
擺正牌晒線嘅Lola真係禾桿冚珍珠，單單著住件運動款Bra Top都令事業線輕易露出，難怪佢可以喺該幕中成功突圍搶鏡！
就算Lola打側企都清楚睇到條事業線，相比起傅嘉莉只哂纖腰同對腳，又真係失色咗啲嘅！
李君妍自爆擺烏龍
原來李君妍拍攝該劇前擺咗個大烏龍，據知佢本身以為自己係做特技人角色，所以諗住整一個硬朗啲得嚟又特別啲嘅造型，仲走去問監製可唔可以染一個灰灰黑黑嘅頭，點知去到試造型先知，原來係做𡃁模的角色。
雖然Lola冇得係劇中拍打戲，不過佢喺接受傳媒訪問時就表示唔覺可惜，因為拍打戲前要練一段時間，花嘅時間比較多，而朱朱本身有舞蹈底，拍起上嚟都好專業。
Lola仲透露當時要性感上陣拍打拳戲，但都冇特別忍口，因為嗰時自己谷M，忍唔到口食咗好多嘢！而且，佢仲話今次嘅拍攝算係露得最多，以露事業線嚟講就呢部劇露得最多！
李君妍成功簽約做親生女
今年28歲嘅李君妍喺09年入無綫電視藝員訓練班，11年因參加《功夫新星》後，獲得不少演出機會，但都只係3、4線嘅配角。捱咗近10年，做過路人、記者、食客等閒角角色都演過，近年先開始有配角演，更被網民稱為「御用女警」。
值得同大家一提，入行到第十年，李君妍係18年3月先終於正式與TVB簽約，成為「親生女」！
Lola坦言有加人工，而且同公司傾過，表達自己想行型格路線，即要有女人味得嚟又有型。Lola仲對公司好有信心，相信會有更多新工作，而角色方面亦會越來越好！
