重溫68歲李司棋後生魅力相 慶祝入行50周年！

撰文：東方新地｜圖片：東方新地

重溫68歲李司棋後生魅力相

｜68年 當選香港公主

68年18歲嘅李司棋參加選美，結果大熱當選「香港公主」後 ，即孖當選「 香港小姐」嘅5號翁茵茵(右一 )上無綫《歡樂今宵》接受沈殿霞訪問，最後只有佢加入娛樂圈並大放異采。

｜74年 《蹄笑姻緣》成名

李司棋74年喺無綫劇集《 啼笑姻緣》，一人分飾賣唱歌女同千金小姐，同今年初病逝嘅陳振華都有一段情，演活兩個極端角色令司棋姐一炮而紅，係佢嘅成名作。

｜79年 孖秋官救收視

79年麗的(亞視前身)套武俠劇《 天蠶變》收視過五成 ，無綫被迫腰斬同時段單元劇，集合全台精英趕拍《 楚留香 》，由三大當家花旦汪明荃、李司棋、趙雅芝夥拍首席小生鄭少秋救收視。

｜81年 Tubetop玩泥沙

81年未滿31歲嘅李司棋忙中偷閒到海灘休憩、戲水同玩泥沙，一身紅色tube top連身褲配紅花帽紅鞋，充滿夏日火熱氣息。

｜81年 著潮服好銀閃

一向畀人古典味兼嫻靜賢淑感覺嘅李司棋，估唔到81年接受無綫官方雜誌訪問時，突破性潮著款式前衞銀光閃閃嘅連身服裝，極具cyber feel。

｜81年 扮冶艷鯉魚精

81年李司棋喺神話劇集《 無雙譜 》再次一人分飾兩角—報恩鯉魚精同相國千金，一身白薄紗身釘紅黃魚鱗面頰眼尾染閃粉頭梳七彩魚鬚扮鯉魚精，極之冶艷奪目。

｜82年 被指影射影后

82年李司棋喺劇集《星塵》演多屆影后，後因事業同愛情雙重打擊下自殺，劇情被指影射自殺身亡嘅60年代亞太影后林黛，林之丈夫龍繩動為此同無綫打官司。

｜83年 演慈厚包惜弱

無綫83年《 射鵰英雄傳》被譽為最經典射鵰電視版，李司棋演謝賢(楊鐵心)妻子包惜弱，因過分慈厚錯救完顏洪烈，呢位金國王子用計呃佢成為皇妃，最後包為楊鐵心殉情。

｜83年 至潮濃妝眼影

李司棋戲路縱橫外，衣著化妝亦作出新嘗試， 83年大玩藍加桃紅色眼影，面頰亦掃咗層桃紅色，濃妝嘅司棋姐令人耳目一新！

｜92年 再婚嫁何偉強

92年41歲嘅李司棋再婚，下嫁已有一對仔女嘅製衣商人何偉強，7月26日豪花百萬搞盛大婚禮，司棋姐更戴上紅寶石頸鏈，份外明艷照人，惜99年離婚收場。

李司棋縱橫演藝圈數十年

李司棋於訪問中透露：「做完《 溏心3 》之後，我休息咗一輪，去咗加拿大登台，登台之後去玩，去咗溫哥華，喺多倫多登台嘅時候同個女聚一 聚，幾開心。返嚟之後就好多嘢，打風啦，我大陸間屋又出咗啲問題，跟住我又跌親，跌親之後仲要入醫院，一出院同幾個老友記去咗上海玩。」

對於拍劇有咩要求，司棋姐表不自己不會縱容NG，笑言不會肯定地說自己一定可以一take過，但一向不會有太多NG。至於工作壓力，她則指：「喺做戲嘅時候的確需要咁，如果唔係大家都鬆散，當NG係好隨便嘅事。」

多年來，司棋姐演出過的劇作逾百部，「 70年無綫開始拍電視劇，由嗰時開始，可以話無停過。」無綫不時會送司棋姐主演過的劇集影碟予她留念，「依家終於有時間慢慢睇番。」

唔會縱容NG

問到會否覺得拍嗌交戲好赲，對此，她竟然直言不感辛苦或太累，說：「反而我會好興奮，因為係戲肉，有個支持力，但做完就會覺得攰。拍《 家好月圓 》我好多戲都係有衝擊，有時又會喊，又唔夠瞓，我時時都好頭痛 ！」直至有日李香琴懷疑司棋姐有血壓高，最後司棋姐去睇醫生，才得悉自己原來當時的血壓值高了，但坦言只係一 輪，跟住又降番。

司棋姐更指：「好多演員都有呢個問題，係人嚟㗎嘛，你估做戲嬲嘅時候係假嘅咩?真係因為對白、劇情湧到而嬲，我係做戲啫，但我係真係用個情緒，好多演員都應該小心呢樣嘢。」

作為一個專業的演員，不少人都會十分關心劇集的收視，但司棋姐反而表示自己從來不會理會收視問題。她說：「我由後生開始都係咁，我有啲朋友好叻，好識去計，但我覺得應該理好個戲就算，我真係唔係好 care。我覺得自己對得住自己嘅工作同埋做好咗自己嘅角色，除此以外，唔係我可以控制。」，有時看淡一點，看開一點，不要樣樣事都太著緊，或者亦是人生之道之一。

當初選美原因

李司棋入行多年，問到為何當初會去選美，她笑言：「因為覺得自己都幾靚！咁當時係嘅，總之一句說話講晒，係貪玩！」，有時貪玩亦未嘗對一個人的人生來說是件壞事。對於現在的選美有何看法，她則說：「好耐無去睇呢啲節目，唔知呢?淨係有一輪知道佢哋啲游水衣個叉幾乎開到去腰，其他都唔係好留意。」。

司棋姐入行後不久便當紅，問到當年有否感到迷失，她坦言：「我覺得我有樣好，就係我無將自己全心全身去投入喺呢個圈，同埋我亦都好早結婚，頭家可以話分咗我大半個心，工作完，我都好少出嚟有太多嘅聯絡。」

司棋姐曾出出入入TVB多次，眼見不少演員已經離巢，她反而開懷地說：「時代變遷咯， 十年人事幾番新， 呢句說話絕對係啱， 1970至80年可能轉變唔多，但依家同前十年真係好大變動，好多人唔做，寧願出去出面闖其他嘅世界，無咩感慨嘅，我自己都離開過。」

拍劇首要有得瞓

她更透露現在與TVB無簽合約，原因非常簡單，就是不希望無教瞓：「因為我覺得我實在係唔能夠再因為一套劇，而有兩、三個月每日都瞓好少，我覺得係時候要選擇一下我要做啲咩，個工作唔好太過heavy。但係我做㗎，如果有好好嘅角色！」，她更笑言自己不是要瞓好多，不過：「我瞓六個鐘頭，係咪都應該呀?每個人都應該有睡眠，第日先至做到嘢！」

欣賞邊幾個後輩？

至於司棋姐有冇欣賞的後輩，她表示：「我 一 路都好鍾意黃翠如、 香香(岑麗香)、陳敏之，好多個都好好，龔嘉欣都好好!」至於男後輩，司棋姐則獨提陳展鵬，說：「展鵬好小心做人㗎，同埋佢幾攰都好，工作擺喺佢面前，佢就向前行，我覺得佢好唔話得，真係好攰㗎，佢又要拍打戲、又唔夠瞓。」

李司棋 人生如坐過山車

李司棋的人生經歷如像坐過山車，佢在娛樂圈紅足幾十年，卻遇上兩次婚姻失敗，後來患上子宮頸癌，接受電療期間更出現骨枯，一度要用柺杖代步。但佢並沒有放棄自己，病癒後司棋姐重新出發，07年憑《溏心風暴》成為首位同獲「視后」、「我最喜愛的電視女角色」及「萬千光輝演藝人大獎」的女演員，攀上事業頂峰！

《溏心3》演霸氣「火姐」

台慶劇《溏心風暴3》正在熱播中，司棋姐同一眾原班人馬三度合作，今輯飾演的女強人「火姐」霸氣外露，一旦激嬲佢就會扯火鬧人，中氣十足！

拍劇後要長休

在07年至14年效力無綫期間，李司棋每年最少拍一至兩部劇集，但拍劇往往要長時間工作，亦因為患癌後身體大不如前，每次完成一部劇她都需要很長時間休養。早年司棋姐曾向傳媒呻爆：「要記幾頁紙的對白，行來行去好攰！」不過今年被監製劉家豪力邀出山，於是佢又再接拍無綫台慶劇《溏心風暴3》，劇集在內地更大受歡迎，短短一周在視頻播放量已超越2.5億次。

半島歎個靚早餐

李司棋近期專注為《溏心3》做宣傳，其餘時間不用工作，當然要讓身體好好充電。早前司棋姐獨自駕車到尖沙嘴半島酒店，相約兩位好姊妹一同歎早餐，眾人邊食邊傾，不時講到眉飛色舞，過了一個開心悠閒的早上。呢日司棋姐身穿韓國潮牌棒球外套，頭上戴上一個細夾，可愛得來增添幾分少女味道。

呢日司棋姐所穿的棒球外套非常sharp醒，原來是韓國深受後生女歡迎的潮牌Bluepops，在網上買要3千元，67歲司棋姐原來都識網購，好潮啊！

養生回春

其實司棋姐近年打扮亦突然變得青春，不時潮牌上身，今年9月時仲開始玩IG，密密上載自拍照，仲有少女味甚重的食嘢相，Kawaii呢！

拍《溏心3》時左耳已退化四成

事實上，司棋姐棋身體隱憂甚多，多年來一直受耳鳴困擾，早年開始經常頭痛，要不停食止痛藥，耳邊不時聽到很多蟬叫聲，今年情況愈趨嚴重，還多了蟲聲、風聲及洗衣機的轟轟聲。年初正在拍《溏心3》時，佢左耳已退化四成，完全聽不到任何聲音，經過醫生檢驗後，屬神經系統性退化，至今仍找不出原因，亦沒有辦法根治，現在佢在左耳戴上儀器去訓練聽覺，用音頻刺激左耳。

李司棋 患中級突發性耳聾

司棋姐早前接受本刊訪問，表示自己的情況係「中級突發性耳聾」，喺好嘈地方就會聽唔到嘢，聽唔到人講嘢時自己又會煩躁。不過依家配戴耳機後，情況大大改善，唔再怕做訪問時聽唔到對方問咩！但司棋姐表示耳朵的情況係冇藥食的，冇得醫，冇得好番！

「爭取時間休息！」

另外司棋姐又稱健康現時最為重要，自己會爭取時間休息多啲！尤其佢唔係一個好急進的人，唔會逼自己咩都要爭第一之類，唔想又太多嘢做。司棋姐受耳患困擾仍敬業樂業拍劇，希望佢好好保重身體，將來演出更多好作品啦！