李佳芯真係做過秘書：要恃靚行兇！

圖片：新傳媒、李佳芯fb

李佳芯 三年前索到爆

無綫新劇《波士早晨》入面一班女秘書當道，係咁多女仔當中，李佳芯 (Ali)無疑係最sharp醒的一個，雖然套劇已經係三年前拍，但其實依家的Ali外表完全無變，35歲都算keep得非常好！

覺得自己皮膚差咗

不過李佳芯就有啲擔心三年前的自己，因為無論個樣定演技上都一定有唔同，好在觀眾feedback都比較正面。Ali又話會諗返點解當時做得唔夠好，但始終當時係用番當時自己覺得啱的情緒去做，加上《波士早晨》係佢第一套咁多戲份的劇，當時仲好青澀！最後Ali就話睇番以前覺得自己皮膚好好，依家差咗！

李佳芯做秘書easy job

講到今次要揣摩一個秘書角色，Ali就定過枱油：因為佢以前都有做過秘書，所以個角色大約都知道點做。Ali表示秘書其實都唔使做啲咩，著得靚靚女女加對高踭鞋行出嚟已經得，尤其是佢呢個角色好著重外表，所以演戲上係好簡單，最緊要係「恃靚行兇」！做秘書就話靠靚可以唔使做啲咩，做演員靠靚只會畀人話係花瓶，Ali有樣有演技，依家行步路都信心十足，演咩角色都冇問題啦！

延伸閱讀：

簡淑兒愈大愈靚 六年進化史重溫

陳瀅話朱晨麗「係雞係公廁」？