《特技人》朱晨麗bra top谷盡34D上圍 譚俊彥發綺夢咀咀
撰文：東方新地｜圖片：《特技人》截圖
《特技人》朱晨麗bra top谷盡34D上圍 譚俊彥發綺夢咀咀
｜做運動冇咩睇頭
昨晚一集《特技人》中，朱晨麗同好姊妹傅嘉莉一齊做運動，傅嘉莉著住件運動背心，不過朱晨麗上身就包到實，今集似乎都冇咩睇頭啦！
｜朱晨麗周旋於兩型男之間
劇中朱晨麗一直周旋於兩位型男譚俊彥及關楚耀之間，前者係自己由細到大的傾羨對象，後者就才華洋溢又風趣，力追自己，究竟點樣揀好呢？一直猶豫不決的朱晨麗，只好寄情運動發泄一番！
運動後朱晨麗返到屋企，鏡頭一轉後佢已經除去上身風褸，露出白滑玉背！觀眾最期待的正面呢？
朱晨麗bra top谷盡34D上圍
有得睇啦！除剩件運動bra top的朱晨麗，谷盡34D噴血上圍，成個畫面真係好震撼！劇中朱晨麗咁靚女又身材索爆，不過就男仔頭好麻甩，睇佢呢個飲嘢動作幾咁豪邁！
｜谷胸小睡片刻
｜譚俊彥睇到呆晒
之後男主角譚俊彥出現，返到屋企見到朱晨麗咁樣瞓喺度，當堂呆一呆！而朱晨麗亦係嚇到即時彈起身，仲撞親腳！
朱晨麗準備離開之際，譚俊彥即時問一句：「你著到咁出街啊？」但朱晨麗即時回應：「點解唔得啊？」小編都想問一句，係囉點解唔得啊？
｜譚俊彥幫朱晨麗敷腳
朱晨麗之前彈起身時撞親隻腳，行到一跛一跛，譚俊彥就幫佢敷一下腳啦，呢個時候朱晨麗透露自己同關楚耀可能會拍拖，問譚俊彥贊唔贊成，試試對方反應，點知譚俊彥扮作不在乎咁話「拍拖啦 拍啦拍啦」，朱晨麗真係激鬼氣！
｜沙發睡美人
原來呢場戲仲未完！畫面一轉，見到依舊著住bra top的朱晨麗喺沙發瞓著，譚俊彥怕佢著涼，好心行埋去叫返入房啦，點知……
朱晨麗 譚俊彥深情錫錫
等咗咁多集，朱晨麗同譚俊彥終於迎來第一吻！兩人仲愈咀愈激動，正當譚俊彥推低女方之際……
原來係一場綺夢……
回到現實準備表白
發完綺夢，譚俊彥深深明白到自己係鍾意朱晨麗，於是決心要表白，買晒花又準備好「雞髀燭光晚餐」，朱晨麗見到好驚喜！
同場加映：朱晨麗激罕晒水着
早前一集中，講述朱晨麗為美女演員秦臻 (傅嘉莉飾) 做替身拍廣告，要著上運動型泳衣打沙灘排球，朱晨麗話佢選完港姐之後已經好少着泳裝，所以好擔心觀眾嘅反應：「呢場戲講我做替身，着住沙灘排球衫拍飲品廣告，係戲中戲，同時我要做高難度動作，喺彈床度跳來跳去，拍嘅時候係夏天，好曬，拍完真係成身散晒！」
好驚走光
佢又話自己為咗呢場戲花咗幾個月時間狂keep fit：「做健身，瑜珈同舉啞鈴，全部都做，希望出嚟線條靚啲，因為套衫真係好少布，上下身都唔可以打底，比起港姐時更性感，好尷尬，跳時真係好驚走光，又要做前空翻，當時又多臨時演員，埋位時冇得遮，只可以頂硬上！」
