【特技人】打沙灘排球 朱晨麗著泳衣跳住玩波
朱晨麗 做小師妹
有舞蹈底子嘅朱晨麗喺《特技人》中飾演「巔峰特技隊」領軍人物齊大志 (譚俊彥飾) 嘅小師妹常美姝，原來美姝18年前被母遺棄，得大志多年照顧，二人相依為命。
劇集開場重頭戲交代身為女特技人的朱晨麗有份參與一場車戲拍攝，卻因失誤令車輛翻側，眾人落力搶救新加入團隊的新丁，然而幾秒後車輛突然發生大爆炸，此後特技隊成員各散東西，揭開故事序幕。
朱晨麗喊驚
談到這場爆破戲，朱晨麗坦言當時感心驚膽顫：「我真係好驚，因為唔知爆炸實際情況會點樣，工作人員有派耳塞畀我哋護耳，但身體唔能夠用保護墊。我知道爆炸點好接近自己，可能只隔開兩、三個身位，擔心有意外嘅話可能會燒傷！」
一take過壓力大
由於爆炸場面只可拍一次，台前幕後事前試過多次排練，拍攝由半夜開始，收工時已天光，朱晨麗表示：「正式拍攝時內心相當忐忑，我哋嘅表現絕對係發自內心，相信當時反應一定係最自然！」
激罕晒水着
有一幕講朱晨麗為美女演員秦臻 (傅嘉莉飾) 做替身拍廣告，要著上運動型泳衣打沙灘排球，朱晨麗話佢選完港姐之後已經好少着泳裝，所以好擔心觀眾嘅反應：「呢場戲講我做替身，着住沙灘排球衫拍飲品廣告，係戲中戲，同時我要做高難度動作，喺彈床度跳來跳去，拍嘅時候係夏天，好曬，拍完真係成身散晒！」
好驚走光
佢又話自己為咗呢場戲花咗幾個月時間狂keep fit：「做健身，瑜珈同舉啞鈴，全部都做，希望出嚟線條靚啲，因為套衫真係好少布，上下身都唔可以打底，比起港姐時更性感，好尷尬，跳時真係好驚走光，又要做前空翻，當時又多臨時演員，埋位時冇得遮，只可以頂硬上！」
為求逼真，朱晨麗好多危險鏡頭都親自上陣，其中一幕跳樓戲，朱晨麗著上連身紅裙危坐天台，雙腳揈出十二層樓高，更要著上高踭鞋在天台邊緣行來行去，期間只靠腰間兩條幼威吔吊着，朱晨麗話好彩自己冇畏高，否則會嚇破膽。
拍劇現場大家唔單止好融洽，佢哋仲趁空檔時間玩個夠。
朱晨麗仲不時post水著相上網，大晒纖腰及美腿！
蝦頭話朱晨麗個篩污糟
早前一集《美女廚房》嘉賓為朱晨麗、蝦頭及糖妹，話說幾位靚女炮製美食期間，蝦頭走咗去朱晨麗度問佢借「篩」，點知一拎上手就爆咗句：「你個篩咁污糟嘅！」說罷即刻全場爆笑！有網民仲話，朱晨麗個篩污糟係關何廣沛事喎！小編就唔明點解啦～
