朱晨麗奪女配： 希望內地來港嘅小朋友可以打出一片天！
撰文：東方新地
朱晨麗 奪女配
頒發最佳女配角時，入圍五強獲同劇拍檔上台拉票，憑《超時空男臣》獲「最受歡迎電視拍檔獎」嘅何廣沛為緋聞女友朱晨麗拉票時，揚言若她得不到獎就將自己的獎送給她。結果朱晨麗成功獲「最佳女配角」，獲悉得奬一刻朱朱呆了不懂反應，上台後何廣沛頒奬前送上玫瑰花仲肉緊送抱抱，台下一陣起哄叫他送吻，真係sweet！
朱朱事後話冇諗過有呢個安排，問佢哋會唔會趁機公開戀情？朱朱笑住話佢哋喺劇內是拍拖，但劇外係朋友。
朱晨麗在緋聞男友何廣沛手上接過奬項，激動表示：「我唔知講咩，我冇諗過拎呢個獎。其實我由零開始，好多謝公司俾我選港姐，我連一句廣都唔識講，依家可以參與《超時空男臣》呢個劇，多謝Marco俾機會我。好大壓力，因為我未試過演咁野蠻女友角色。我成日問自己，我得唔得呢。之後收到珍姐電話，係佢鼓勵我，叫我加油努力，糾正我點樣去講每一個字，排除廣東話呢個難關之後，做戲就可以自然啲！」
朱晨麗多謝完fans之後，最後佢又話：「如果冇你哋支持，我都唔知點行落去，因為我之前都受過好多打擊，希望我哋喺內地成長嘅小朋友，嚟到香港之後依然可以打出一片天，一齊支持我哋！」
中門大開
朱晨麗穿上透視晚裝，中門大開，性感又高貴呀！佢話其實胸前有薄紗遮住，服裝部同事幫佢貼膠紙，百分百安全唔會走光。佢話為咗以最佳狀態示人，之前食得清淡啲，出嚟效果好好！
傳撻著何廣沛
小鮮肉何廣沛因為拍電視劇《超時空男臣》做小太監彈起，今年29歲的他跟同劇飾演二小姐的朱晨麗傳出緋聞，有指他們日對夜對，加上多場親熱戲催情之下，成功撻着，但二人不想錯失上位機會，怕姊弟戀見光死，惟有把戀情收收埋埋。
翻版陳法拉
今年29歲的朱晨麗於2011年參加香港小姐，比賽前被封為「翻版陳法拉」而成為大熱，比賽期間總共獲最受歡迎大獎、歡樂大使獎、時尚目光大獎，最終攞埋冠軍而加入無綫，當選後被踢爆2003年由上海來港讀書時，為慳錢與女同學夾份租住100呎劏房，是首名承認曾住劏房的港姐。
2011年陳法拉以面癱為由辭演台慶劇《名媛望族》，無綫委以重任交由當時還未卸任的朱晨麗頂上，令她人氣急升，之後備受重用接拍多部劇集。朱晨麗與馬國明合作劇集《名媛望族》有傳戲假情真，男方更體貼地管接管送。可惜「筍盤」多人爭，馬國明其後與朱千雪、唐詩詠及徐佳琦傳緋聞，「馬朱」的緋聞隨之被淡忘。
朱晨麗在《衝上雲霄II》飾演的PinkPink，因親父單立文唔認佢而發狂衝出海，被救上岸時大特寫唧胸鏡頭。
朱晨麗在《衝上雲霄II》飾演的PinkPink，因親父單立文唔認佢而發狂衝出海，被救上岸時大特寫唧胸鏡頭。
