有種好男人｜Ali李佳芯多層次喊戲獲肯定網民大讚：好自然唔Over！

有種好男人｜Ali李佳芯多層次喊戲獲肯定

昨晚是李佳芯（Ali）考牌作，Ali短短一集挑戰了多場不同層次的喊戲，包括強裝堅強、擔心崩潰、心痛落淚、倍感安慰及放下心頭大石Mode等，其中一場Ali強忍奪眶而出淚水的場面，更是我見猶憐；對於Ali喊戲，不少網民予以正評：「表現到一個媽媽對兒子嘅愛，令人心痛」、「好真又有層次，唔同情景有唔同喊法」、「Ali幾場喊戲都做得好好，面對不同情況同對象喊，演出都有唔同」、「好自然唔會Over」。就連Ali「兒子」Ricco吳偉豪，亦獲讚好戲。

李佳芯有種好男人 — 其中一場Ali強忍奪眶而出淚水的場面，更是我見猶憐（圖片來源：TVB提供）

有種好男人｜李佳芯指自己不擅長喊戲

事後Ali受訪時，坦言擔心喊戲效果，皆因自己本身很少哭於人前，亦不擅長喊戲，她更坦言拍攝醫院喊戲時一度喊唔出：「有時因為瞓得少、休息唔夠，情緒就更難收放自如，我記得今次醫院嘅戲我有試過喊唔出，但導演同工作人員好好，見我未Ready就調配場口就我，好多謝佢哋。因為冇得逼啲眼淚出嚟，我又唔想用眼藥水，因為想用真感情。」

今晚一集大結局亦是相當精彩，劇中兩大女神Ali及陳自瑤（Yoyo）將進行終極對決，前者以仙氣喱士白色長裙Look登場，迎戰後者展現完美身段的白雪雪婚紗Look，期待指數爆燈，萬勿錯過。