12月會展開個唱 胡鴻鈞表示會帶密友做表演嘉賓

撰文：東方新地 ｜圖片：Instagram

胡鴻鈞表示會帶密友做個唱嘉賓

胡鴻鈞(Hubert)將於12月喺會展舉辦演唱會，去年佢首洗腦歌《到此一遊》橫掃多個獎項，好似最受歡迎劇集歌曲、微博給力電視劇主題曲、勁歌金曲獎等都畀佢包攬晒。

近排忙完拍攝劇集《救妻同學會》，Hubert就專心搞個唱。每次有男歌手開演唱會總會有歌迷想睇肌肉，不過Hubert就講到明唔會除衫騷肌，因為自知自己無嘢好曬。

早前好友許廷鏗同吳業坤開騷都有跳下舞，Hubert就話會加倍努力，坤哥做到嘅嘢畀咗好大信心佢！

Hubert又話今次會帶一個同佢有密切關係嘅人做表演嘉賓，諗落同佢圈中最熟嘅就係許廷鏗、坤哥、吳若希同欣宜，不過佢保持神秘，半點都唔透露。唔知係邊位密友呢？真係耐人尋味。