會展拉闊騷 側田感觸落淚 Gin Lee驚豔晒Deep V
廣告
歌手Gin Lee (李幸倪) 與 側田 在會展舉行拉闊音樂會，兩位靚聲之人合作，獲方力申、單立文與太太胡蓓蔚、組合C AllStar的釗峰及On仔等到場支持。今次拉闊騷除了連場好歌熱舞，Gin Lee又罕有地以大Deep V裝示人，大晒火辣身材！而近年少有在香港演出的 側田 就唱出〈命硬〉、〈KONG〉等令人懷念的金曲，佢唱唱吓仲一時感觸落淚！
側田 Gin Lee 金曲停不了
一開場側田同Gin Lee先唱出大家耳熟能詳的〈月球下的人〉及〈KONG〉，Gin Lee之後又唱出〈和每天講再見〉和〈雙雙〉等出色作品，佢仲希望同側田可以有更多合作機會！而側田就表示自己好想念香港，希望嚟緊可以有多啲機會出嚟唱歌！
Gin Lee 驚豔大Deep V
Gin Lee在其中一段獨唱環節中換上黑色大Deep V裝，酥胸半露，唱出〈first day〉、〈開到荼靡〉等歌曲，期間又做出撥頭髮等嫵媚動作，令現場更加熱辣辣！事後側田仲搞笑話如果同着Deep V的Gin Lee同台，自己可能會彈唔到結他！
側田感觸落淚
另外側田唱到〈幸福止痛〉時突然感觸落淚，佢表示自己近兩年好少在香港開騷，而自己籌備兩年的新碟即將推出，今次終於可以在呢個大舞台唱出新歌，將內心的感受抒發出來，所以一時忍唔住流下男兒淚！
側田全晚情緒高昂，high爆又唱又跳，搞到要除下cap帽抹汗，完全唔介意在觀眾前亮出光頭！
二百年後 在一起～
最後側田同Gin Lee帶領全場一齊大合唱〈命硬〉！「二百年後在一起，應該不怕旁人不服氣……」希望側田多啲返香港演出，小編都好掛住佢啲舊歌啊！
