岑麗香初出道被曾志偉抽水影片再成熱搜 與錢嘉樂扮情侶拍劇曾爆緋聞
曾志偉疑節目抽水岑麗香影片再被翻出 網民：有權有勢真係好
十年前的節目《玩轉三周1/2》中的其中一個內容為《唔俾獎門人之搞Gag集中營》，當中就邀請了一眾《獎門人》中的主持人去拍攝一些情景小劇場。有一集為曾志偉擔任機場保安，要為過安全檢查的乘客去搜身。劇場中凡是男性或是樣貌冇咁姣好的女性都被直接過到安檢，直至有一組為岑麗香與錢嘉樂扮演的情侶。
大行其道抽香香水
一開始錢嘉樂過安檢時都毫無問題，直到岑麗香時其機器就被曾志偉手動響起，然後曾志偉就向岑麗香說道：「你要檢查，因為係為乘客著想」，然後每當曾志偉手上的裝置拍近岑麗香的胸部以及下體時，其裝置便會發出聲音。然後再指需要搜身。曾志偉向岑麗香身體進攻，前後都摸勻晒，就連pat pat都唔放過。
網民怒轟：攞正牌抽水
其影片再度被翻出，有唔少網民都指曾志偉係「攞正牌抽水」，直言「攞正牌摸屎忽，唔知佢老公點諗」，「真係好低俗，睇完傷眼」，「堅摸」。亦有網民在數年前已經戥香香唔抵，直指「香香好慘」，「曾志偉成日趁住自己係前輩，係咁抽啲女同事水」。亦有網民指曾志偉在電視台「有權有勢真係好」。其實曾志偉2021年1月21日應邀重返無綫電視做高層，不過這段影片就係2020年8月上載，時間上係早在曾志偉擔任總經理前「被考古」。
岑麗香錢嘉樂曾合作傳緋聞
加拿大出生的岑麗香係2010年國際中華小姐及2009年溫哥華華裔小姐冠軍，2012年在劇集《巴不得媽媽…》飾演「香香公主」一角後被傳媒稱為「香香」，其後好快埋到曾志偉堆，在2014年《女人俱樂部 M Club》領演被李麗珍遺棄的親生女，演技好又有觀眾緣，但原來在上位作《巴不得媽媽…》曾與拍檔錢嘉樂傳緋聞！
疑照抄襲日本節目《志村大爆笑》！？
又有連登網民發現，其機場過安檢的片段其實係抄襲日本的綜藝節目《志村大爆笑》，原理同樣係見到靚女就要截停搜身，同樣又摸上又摸下，網民都稱其效果、布局同道具都似模似樣，背後亦係同樣「低俗」，其實一啲都唔好笑。
今時今日依舊低俗！？
不過其實《獎門人》系列去到今時今日仍然係有唔少環節都係行「低俗路線」，早前何超蓮上節目時都不惜放低千金身份，要去男嘉賓大腿位置「坐爆」氣球，又前又後，姿勢都相當開放。
