曬ya馬拉moi｜張慧儀爆當年蘇永康口花花結緣 蘇康：我其實好尊敬你﹗

張慧儀爆被蘇永康、陶大宇等撩

張慧儀透露跟蘇永康首次碰面是在拍攝《西遊記》時，張慧儀話：「當時我拍《西遊記》，佢喺另一個廠拍法庭戲，嗰時我要去洗手間，見到佢同幾個男同事（陶大宇、歐陽震華、駱應鈞），竊竊私語，遠遠望到，我個心諗『都冇好嘢』，當我行過時，佢哋叫咗我一聲『張慧儀』，我好唔耐煩咁話咩事呀，點知你哋話『你好靚呀』，搞到我有啲唔好意思！」

蘇永康聞言即哈哈大笑謂：「其實當時只不過幾個人坐喺度，拍嗰套法庭戲又冇劇本，冇嘢做；唔好意思，嗰日行過嘅係方逸華女士，我哋都會係咁講，當然你真係好靚。」

蘇永康對張慧儀表敬意

蘇永康直言跟張慧儀雖不是最熟稔的朋友，但對於對方無私地照顧養子，這份偉大的愛作出崇高致意，他說：「十幾年前，喺北京碰面，知道你將會帶一個小朋友一齊生活，嗰刻我覺得有啲突然，當時我哋30歲出頭，帶一個小朋友，對我哋嚟講係一個唔能夠想像嘅大責任，聽到你點解要收養佢，知道佢身體唔健康，要用好多時間去照顧佢，當時我心底係祝福你，知道呢條路唔易行。」

蘇永康續說：「直至我做咗爸爸，回望番你條道路，(我)更加之尊敬(你)，當我小朋友發燒、頭暈身㷫，我會緊張到喺台上跌咪，所以好理解你嘅感受，好多朋友對你感覺係『張慧儀係好靚嘅女仔、好性感嘅女人』，但(你)內心嘅愛大到我自己都肅然起敬。」