蔡思貝、吳啟華及李施嬅等宣傳劇集《純熟意外》，蔡思貝穿off shoulder白色高衩短裙，玩遊戲時同李施嬅抱起吳啟華時，思貝可能一時忘形，唔覺意騷兩吋事業線，而高衩裙更令修長雙腿表露無遺！之後，問到有否打底，蔡思貝笑言：「冇，不過ok！冇諗到玩到咁刺激！」

怪手摸大髀？

抱完啟華之後，思貝同施嬅夾手夾腳抱曹永廉，令現場氣氛更熾熱！期間突然有怪手掀開思貝條裙，細心睇，該右手原來係穿墨綠色長外套嘅賴慰玲，相信佢想俾大家睇多啲思貝雙美腿，認真貪玩！

澄清冇不和

提到跟施嬅傳不和，思貝澄清：「大家一路拍劇都好夾，冇咁多鬥爭同不和，傳來傳去都係話題，冇一樣係真。」另外，賴慰玲玩蓮步舞時十分落力，更投入到除鞋！