昔日日劇女神 2017走晒樣

39歲 松隆子 殘爆大媽

曾經係日劇女王的松隆子，去年剛誕女，升呢做人母，近日正密密出席活動宣傳新劇《四重奏》，但出席活動時，就被指皮膚鬆弛，而且皺紋勁多，外表勁走樣！

最近松隆子為宣傳新劇密密出席活動，一笑就眼袋皺紋盡現，驚嚇度爆燈！

合埋嘴笑，一樣係面目全非，幾乎認唔出係佢！

08年松隆子孖金城武拍電影《怪人二十面相．傳》，仍然好省鏡。

32歲 香里奈 驚變包包面

曾經是人氣女星的香里奈，2014年被爆出不雅照後，形象即時插水，工作量亦大減，直到近日再拍新劇，香里奈出席宣傳活動時，被發現面容浮腫，V面不再，仲激現雙下巴。

香里奈近日密密谷劇，被發現V面變包面，仲有埋雙下巴。

2012年香里奈來港出席活動時，擁有漂亮心形面孔。

31歲 上戶彩 婚變激瘦

上戶彩2012年嫁EXILE隊長HIRO，前年誕下女兒，去年驚傳HIRO偷食以致婚姻亮起紅燈，上戶彩更被影到暴瘦到變成皮包骨，連F cup巨乳都縮水剩B cup，認真我見猶憐。

日前上戶彩出席活動，以一頭短髮示人，雖然笑容滿面，避談婚變傳聞，但眼袋勁大，法令紋甚深，相信受婚變傳聞困擾。

昔日未婚的上戶彩樣靚身材正，同現在判若兩人。

37歲 仲間由紀惠 珠圓玉潤

仲間由紀惠近日有新劇《樂園》開播，結婚兩年多的她雖然一直keep住拍劇，但最近被發現成個人變得珠圓玉潤，孕味勁濃，不復昔日索女身材！

仲間由紀惠現在面貌同身形都變得圓碌碌，勁肥美，身上仲着住鬆身裙，疑似有喜。

昔日仲間由紀惠擁有瓜子面和纖瘦身材，是不少粉絲心目中的索爆女神。