明星夏日閃電走腩法
減得咁成功，係咪有咩特別嘅方法，佢說：「你哋想知？我話你哋知，好簡單，朝早起身食個火龍果，或者蘋果，或蛋，加咖啡，飲水，去洗手間，下午就菜汁撈纖維素，質飽個肚，坐喺度半個鐘唔好郁，冇energy就會好凍，但唔好郁，着番件衫，一陣隻手指就暖番，因為抽緊你脂肪，之後六點鐘食凱撒沙律，唔可以加煙肉，要加火腿，菜點汁。」
食咁少嘢，會否見暈，Leon笑言：「拍嘢拍到夜晚十二點，整個小米粥，炸菜火腿，卡路里唔高，加埋唔過700，正常人一日需要1800，7日搞掂！」
Leon走腩餐單
早餐：火龍果+蘋果+蛋一隻/一杯咖啡
身為兩子之母嘅Kelly表示，曾陀B令體重急升至超過130磅，雖然對一般大肚婆來說唔算重，但一樣愛靚嘅Kelly就接受唔到，因此產子後即最後走腩大計！「諗起以前130幾磅，真係嚇死！我嘅減肥秘訣好簡單，唔好以為一日食一餐就會瘦，因為我少食一餐就會勁肚餓，之後會食番好多，咁吸收就更多，結果反而更易肥！」
Kelly表示，要去肚腩首先要踢走脂肪，佢試過最佳方法居然食埋下午茶！「要少食多餐，所以食肉都冇問題！最好方法就係每樣食物唔好食多過一件！如果餐與餐之間覺得餓，可以多飲水、果汁或食啫喱代替小食，咁就更易消化又有飽肚感。」
Kelly走腩餐單
早餐：脫脂奶1杯+蛋白兩隻+麥皮一碗
午餐：節瓜炒牛肉+白飯一碗+豆腐魚湯
下午茶：梳打餅兩塊+低脂乳酪
晚餐：馬蹄蒸肉餅+蒜茸炒菜心兩碗+白飯一碗+草莓六粒
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
減肥方法實行多年，依家祖兒身材勁弗，醒大家走腩貼士：「我朝早好少食，要食就食生果，多數食奇異果、蘋果同橙，糖份高嘅瓜類就少食，我自己都唔係咁鍾意食。到午餐就要正常咁食，因為每日都要排舞，如果唔夠營養，或者餓住肚體力唔夠就好易暈，不過我會盡量少食肉同飯，食多些蔬菜豆類，到夜晚就唔可以食飯，只係飲湯，我媽咪有種家傳減肥湯，飲咗會幫到手減肥，呢款湯好處係唔駛特別節食配合，但又可以清腸胃，幫助消耗油份，好有效。不過，我減肥會適可而止，絕對唔會減到成個骷髏頭咁樣，個人瘦咗但冇晒精神咁都唔好睇啦！」
而劉華每逢開個唱前，keep弗餐單更誇張！完全屬於無味人生，無鹽、無油、無糖，只食白烚雞肉，雖然好work，但真係要好有毅力先得！
劉華走腩餐單
早餐：熱咖啡一杯+麥片粥一碗
午餐：熱咖啡一杯+多士一份/叉燒雞或燒肉飯(如開工)
晚餐：魚+蔬菜+少許肉(牛除外)
5.飯後行半粒鐘 周潤發
另外，發哥又鍾意臨瞓前再做運動，咁就會特別好瞓。佢更叮囑大家，平時除正餐外，唔好再食零食，慢慢就會見效，「咁樣減肥比較健康，我一直唔贊成食藥減肥。」
發哥走腩餐單
早餐：一碗白飯+青菜+魚
午餐：同上
晚餐：青菜+海鮮
6.急減之選 許志安
安仔笑言呢個絕對係無啖好食高纖低脂餐單，不過若大家肯的起心肝，一定會同佢一樣可以做到三周減十二磅效果！
安仔走腩餐單
早餐：生果任食
午餐：一碗白飯+烚雞柳三至四條
晚餐：烚雞肉+蒸魚(走油走豉油)+大量烚菜(雞肉可用蛋白代替)
7.夜晚戒水林峯
原來峯峯本身容易水腫，所以佢自己會少飲水，夜晚通常唔飲！不過，為了令腸胃暢通，有時會飲青菜汁做代餐。
峯峯走腩餐單
早餐：蛋白兩隻
午餐：滾水淥米粉+烚菜一碟/青菜汁
晚餐：茄蛋治一件
8.蔬果瘦身餐 范冰冰
冰冰表示食蔬果尤其係高纖同低脂蔬果，有天然防癌作用，更容易瘦身，而且蔬菜同水果含較多水分，相比之下，熱量亦較低，所以冰冰嘅三日循環蔬果瘦身餐，通常都以蔬果為主。
冰冰走腩餐單
第1天
早餐︰橙一個+半杯脫脂牛奶燕麥粥+葡萄乾五粒
午餐︰雞湯一碗+四片梳打餅+一杯水果沙律
晚餐︰一個烤馬鈴薯配牛油+水煮甘藍菜一碗+蘋果一個+杏仁五粒
第2天
早餐︰半杯燉豆子+烚蛋一個+鬆餅一塊
午餐︰奇異果、草莓、香蕉組成的生果盤+芝士一片+菠菜汁一杯
晚餐︰飯一碗+炒青菜一碟+切片紅蘿蔔一碟
第3天
早餐︰脫脂牛奶燕麥粥一杯
午餐︰菠菜沙律+烚蛋一個+煙肉一片
晚餐︰意大利粉一碟+沙律+一安士鹹餅乾+梨一個
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
