34歲方媛身材火辣激罕分享湊女日常 網民大讚生咗兩個仲咁靚
廣告
天王嫂方媛為郭富城誕下兩名女兒，長女Chantelle和幼女Charlotte，身為兩女之母的方媛身材依然火辣，日前她激罕分享湊女日常，曼妙身材令網民讚嘆。
92年專訪曝光 郭富城「揀糭預測未來老婆」
無綫節目節目《尋寶記》找來 1992 年《娛樂新聞眼》的採訪片段，當年主持邀請未婚藝人「揀糭預測未來老婆」遊戲，受訪包括青春爆燈的劉德華、黎明及郭富城。節目中劉德華選擇揀鹼水糭，被指「鍾情有錢女」，主持解釋謂：「因為『揀水』，即係揀一個好有水嘅老婆！」黎明選擇裹蒸糭的被指佔有欲強，對此黎明即時拿出金句反擊：「每個人都可以當自己係專家，我嘅睇法係覺得裹蒸糭好有內涵！」至於當年27歲的郭富城選擇龍兜糭，被指擇偶必要條件是「相貌突出」，十分搞笑。
方媛激罕分享湊女日常
作為兩女之母的方媛，婚後專心做人妻，日前在IG激罕分享湊女日常，帶囡囡到動植物公園遊玩，又到泰國餐廳食晚飯，享受天倫之樂。照片中方媛背影火辣，纖細長腿加上S腰線如少女無異，引來網民留言：「好瘦啊，腿也好長」、「生咗兩個小朋友仲可以咁靚」、「孩子都長大了，媽咪還是這麼辣，跟少女一樣」。
方媛分享如何練成辣媽身材
方媛身材火辣，線條緊緻無多餘贅肉兼有馬甲線，保持身材的不二法門就是堅持運動。所以她經常到健身室跳舞、瑜珈，兼夾做埋HIIT(高強度間歇訓練)全方位燒脂。
曾疑似重P惹網民爭議
方媛成個人Upgrade晒，出入上流社會高級場所，亦有國際時裝品牌搵她影相做代言，周身名牌變身闊太。以往她在小紅書上載了多張靚相，照片中的方媛身穿粉紅色的Tube Dress，背景是中環的匯豐銀行總行，只見方媛全身的個人照影到9頭身超模一樣，兩張躺在沙發上的照片，不知是P圖過度還是低炒角度問題，身高約1.6米的她，睇落腿長竟然有1.5米，真係好震撼！
回顧「元祖版」方媛冇P圖真身
今時今日的方媛，生咗兩個女依然保養得宜，被指身材和樣貌都沒有太大改變，更看不出已經34歲，不過當年方媛未識城城仍是𡃁模時，曾為本刊拍下一輯靚相，其身材與樣貌同現在都判若兩人喎！方媛未經P圖的真身，有圖有真相。
撰文：東方新地圖片來源：IG@mokafy
