新片《原諒他77次》阿Sa自編自演玩晒
廣告
由英皇電影及星美影業聯合榮譽出品新片《原諒他77次》今日舉行開鏡禮，主角蔡卓妍、周柏豪、鍾欣潼、C君(農夫)、鄭希怡、盧巧音、雷琛瑜(J.Arie)、衛詩雅及導演邱禮濤與編劇李敏都有出席！今次唔止係阿Sa與邱禮濤、李敏「鐵三角」再拍新戲，阿Sa更破格撈埋幕前幕後，一腳踢玩晒！
延伸閱讀︰
花曼王君馨打得 原來仲煮得
拆解《城寨英雄》8大謎團
預演婚禮
今日的開鏡禮，劇組來到婚禮場地Club One拍攝一場結婚埸口，J.Arie率先預演婚禮，並由姊妹團阿Sa、Yumiko、衛詩雅及盧巧音陪伴出場，為了祈求拍攝順利，導演邱禮濤率領編劇李敏及一眾演員進行拜神切燒豬儀式，老闆楊受成博士也親自到場以示支持。
全方位升呢
新片《原諒他77次》根據李敏的同名小說改編，阿Sa對小說及電影劇本一直積極俾意見，更將過往拍拖點滴「赤裸裸」剖白，務求俾編劇李敏為佢度身訂造愛情故事，阿Sa說：「過往我喺電影方面較被動，一直等到遇上好劇本先演，但自從跟編劇李敏、導演邱禮濤合作過《雛妓》之後，我開始有與其被動去等好劇本，不如自己主動創作嘅諗法，所以今次嘅劇本我一直努力參與其中，希望創作一個屬於自己嘅愛情故事。」所以，阿Sa今次不但做演員，仲參與編劇、選角及製作預算等工作，一腳踢瓣瓣做，全方位升呢！
全文完
