43歲敖嘉年離開無綫 結束22年賓主關係改泊高志森碼頭

圖文： 東方新地、新Monday

敖嘉年發文返無綫「清Locker」心聲 服務無綫22年正式離巢！

於1999年，拍摄第一套劇集《封神榜》，隨後就憑著大熱劇集《巾幗英雄》系列中，飾演「蔣必文」一角而奪「飛躍進步男藝員」嘅敖嘉年，在今日凌晨時上載一張無綫Locker相，並留言：「200回憶，有苦有樂，但轉眼就過，回望時，原來一切也是快樂的，謝謝，有緣再見」，原來是他在無綫的最後一天，正式與無綫結束22年嘅賓主關係。

早透露離巢意向

其實較早前，敖嘉年早就在個人社交網上提到會離巢，向其他方向發展，而在今年1月底時，亦曾表示已完成所有工作，並同時感謝TVB多年以來教他嘅一切：「終於完成所有的工作，很起伏的心情，回想起這麼多年的時間，真的要感恩，每一樣在事業上所得到的，都是＂他＂給予我的，也要感恩＂他＂給予我的機會令我成長，在這大家庭成長真的不易，有人話這裏是少林寺，沒有錯，我相信世界上沒有一個地方是可以給你學習你一生受用的技能，感恩所有教導和幫助過我的人，未來會是怎麼樣，沒有人會知道，一切隨緣，各位兄弟姊妹，最後要衷心說一聲多謝和感恩TVB，沒有TVB，我只是一位寂寂無名的小卒，多謝您，各位台前幕後的兄弟姊妹有緣再見」

專演敗家、弱智仔 「許許許」最出位

敖嘉年在大台的多年演出，最深入民心的角色離不開敗家、反骨、弱智，最經典對白就係「許許許」，並一度成為網絡潮語，此金句源出於2012年劇集《造王者》，敖嘉年飾演的宋理宗趙貴誠，因十年間受金國虐待，而導致神經失常。不斷只發出「許許許」的聲音。網民大讚他扮得神似，並重提他在《魚躍在花見》及《巾幗梟雄之義海豪情》等劇集中的類似角色，封他為「金牌弱智」！

網友讚好：「呢個絕對係佢人生中其中一個最佳決定」

但凡有藝人公布離開TVB都會有「光環加持」，對於敖嘉年原來亦一樣，網友普遍為讚而讚、亦都有人憶述其經典作品及台詞「許許許許」，更有網民表示對佢飾演敗家仔印象難忘：「蔣必文個角色真係演得超好，完全塑造哂整個貪生怕死、無料扮四條嘅二世祖，勁黑人憎」

投身舞台劇 埋高志森堆

其實唔做無綫，大陸發展又因政策改變而凍結，敖嘉年去年尾就泊埋高志森碼頭，主力做舞台音樂劇，最新演出《天涯歌女》仲有老闆有黃百鳴現身劇本圍讀。4月9-11日音樂劇《天涯歌女》在香港上演，同劇演出仲有周詠琁、陳雋騫以及李潤祺：

【娛樂片重溫】敖嘉年轉行揸貨車？

廿幾年拍劇生涯，敖嘉年考咗唔少車牌，數年前記者曾經喺小瀝源駕駛學院，撞見敖嘉年學駕駛中型貨車，同年又又考埋個電單車牌，嘉年事後向傳媒表示，考獲不同的駕駛執照，係希望拍揸車戲份時，可親身上陣。

早年佢拍新劇《當鐵馬遇上戰車》就大派用場，拍攝外景時，當日主要拍佢喺條馬路度跑嚟跑去，騎住架電單車啲戲分，只係影大頭近鏡，不過嘉年坐上架車就唔多願落車，影完啲近鏡，本應有工作人員駛返入橫巷，不過嘉年爭住幫手泊車，又同啲工作人員吹車經，原來佢女友唔俾佢買電單車，敖嘉年考牌嗰時話純粹係想挑戰自己喎，如果唔想挑戰女友，佢都係拍劇時過吓癮好喇！