撰文、圖片：東方新地

王卓淇趁生後露多啲

王卓淇喺IG性感出場賀生日夠晒另類，身穿低胸裝露小蠻腰不特止，仲有超短熱褲擘晒髀爭啲走光，佢仲寫上一句：「人不彪悍枉少年」，唔知係咪即係解作趁後生就可以狼死啲，可以露多啲，有本錢唔怕露呢？

《那些我愛過的人》王卓淇演癌症病人

其實最近王卓淇在電視劇《那些我愛過的人》演出關鍵一角 ，就係劇中車禍的神秘受害者龔芊芊，劇中的王卓淇大部份時間以素顏上陣，追開IG好難認得出：

生日之約定王卓淇橙色露背連身裙收兵！

原來生日前兩星期，王卓淇已經喺IG連Po三張靚相，並寫上：「給你一天時間和我獨處，你打算怎麼跟我慶祝生日呀？（其實女生穿這種裙子真的很不方便，有人懂嗎？）」相中嘅佢以橙色露背連身裙上陣，大騷白滑玉背同長腿，相當吸睛！偶像出po相約慶生，令一班男粉絲都非常踴躍，紛紛留言：「去山頂睇星星」、「同你拍一日拖」、「帶你吃好吃的」、「生日你話事」。日露夜露已經引死人，王卓淇生日仲話要同粉絲獨處，為吸粉真係去到好盡。

王卓淇與吳業坤分手四年洩蜜 黑底誘惑擋唔住坤哥搭訕調戲

來自廣州的14年港姐亞軍王卓淇 （Erin） ，有個在內地經營護膚品加工生意的富爸爸，令她入行後可以拍劇當副業，經常晒名牌炫富兼騷盡身材自娛，其個人社交網就有她的大量個人性感肉照，谷胸、趷籮騷長腿司空見慣，近期更露上癮，愛著底底兼狂騷腳趾，晒另類性感誘惑，令一班宅男大飽眼福無限遐想之外，更激發分手四年的男友坤哥 （吳業坤） 都為佢著 迷，忍唔住在女神IG留言調戲，對Erin十分關注，揭示二人親密關係至今未斷纜。

撰文、圖片：東方新地

王卓淇有自信 露肉吸客成功

擁有甜美外表加埋一雙白滑長腿的14年亞軍港姐王卓淇，似乎對自己身材信心爆棚，近幾個月就經常在個人社交網晒肉照派福利，除剩Bra 及底底影勻家中每一角落，趷籮、谷胸露背玩盡誘人甫士，對一雙誘人43吋長腿自得其樂，近期更玩埋腳趾誘惑，搞到被戀趾狂騷擾一樣不以為意，還得戚自爆狂迷想出錢買她的腳趾片，極度享受被另類關注，不但未有封鎖對方帳戶，更cap圖在限時發布上po出來，叫對方繼續留意自己的社交網，表示不用畀錢都定會有驚喜。

與吳業坤分手四年 嫌對方太多緋聞

入行五年，演技幼嫩拍劇冇回報，反而露肉吸客成功，其個人IG已突破20萬追隨者，就連同她傳過緋聞，有偽毒男之稱的坤哥亦熱烈追捧，不時在Erin社交網精警留言調戲，可見兩人分手仍保持友好關係。出名口甜舌滑的坤哥，15年同王卓淇合拍J2台節目《安樂蝸》，已火速媾掂長腿女神，不過，16年王卓淇就喊爆哭訴，指被第三者撬牆腳而戀情告終，之後又自爆有富二代新歡，不過近年少有提及戀事的她，近期又因露底派福利令昔日已經常大讚Erin一雙美腿的坤哥再次動情，公然在社交網出言調戲女方，直問Erin穿著的是不是底褲？相當曖昧。

據知情者透露：「 16年分手嗰陣，其實Erin對坤哥仲好留戀，坤哥把口𠺘過油，好快已經氹番Erin，不過拖拉咗一段時間，Erin始終忍受唔到坤哥身邊咁多女，最後都係分手收場，之後佢哋一齊拍《飛虎之雷霆極戰》，又多咗見面，但兩個人嘅關係就好神秘！」成日畀人話識食嘅坤哥，43吋長腿加送億萬筍盤背景，當然識揀啦！