戀講嘢｜18歲女版姜濤木木恨結婚恨到出面 30歲男友原來係前男團成員

《戀講嘢》木木 15歲已開始諗結婚

木木透露她由初戀15歲開始已想結婚，而她現在的男友已是她第3個男友，講到當初想結婚的原因，她直言：「因為本身屋企對我嘅關愛唔多，細妹成績好好，係全級第一，屋企當然係偏心佢多啲，所以希望知道畀人錫嘅感覺。」而到了現在18歲，她表示想結婚就純粹是因為遇上合適的人，和真的想有自己的屋企。

戀講嘢木木只得18歲已恨結婚。 — 木木只得18歲已恨結婚。（圖片來源：《戀講嘢》截圖）

男友大木木12年

木木介紹現在男友是她做Model工作時認識的同行，對方是Part-time Model：「第一次出去約會，我哋睇完戲，行緊海旁，我就話其實我18歲，佢嚇親啦，然後佢叫我估佢幾多歲，我估22，跟住再估27，佢都話唔啱，我再估29，但原來係3字頭！」對方大木木12年，剛剛好同一個生肖。

戀講嘢木木本身是Freelance Model，男友是她做Model工作時認識。 — 木木本身是Freelance Model，男友是她做Model工作時認識。（圖片來源：《戀講嘢》截圖）

鍾意男友夠大男人唔Care男友有冇錢

木木直言鍾意男友夠大男人：「因為我本身比較小女人，例如佢好多嘢都會同我講應該點做，同埋要按住佢嗰套做，而且我好鍾意同佢一齊嗰種感覺，係之前男友畀唔到我，例如我會上去佢屋企煮飯，就有種家嘅感覺，佢就喺隔離做嘢，然後佢就會幫手洗碗，呢個就係我夢想嘅世界。」

戀講嘢木木在IG分享過不少福利照。 — 木木在IG分享過不少福利照。（圖片來源：IG@lamlamlam_1203）

戀講嘢木木下月才滿19歲。 — 木木下月才滿19歲。（圖片來源：IG@lamlamlam_1203）

木木指不會計較其他外在條件：「冇諗到咁長遠，淨係覺得同佢一齊感覺舒服，冇Care佢有冇錢之類，我覺得佢養得掂自己就已經OK，因為我本身都有返工，我都養得起自己！」193大讚木木想法好成熟。

戀講嘢木木好認同浩南話同年紀大的男人拍拖，是因為鍾意對方夠大男人。 — 木木好認同浩南話同年紀大的男人拍拖，是因為鍾意對方夠大男人。（圖片來源：《戀講嘢》截圖）

拍拖第二個月已想結婚

木木透露拍拖第二個月，就向男友講明想結婚：「我同佢講要停一停，話我拍拖就係想結婚，如果你唔係想結婚嘅話，我哋就stop啦！」193就指事實上每個男仔都一定會呃呃氹氹，話想同你結婚先，木木亦認同：「佢有同我講佢係認真嘅，咁我就畀人氹咗入局啦，當時佢有帶我返屋企，介紹畀佢媽咪識，然後我覺得見咗佢媽咪，好似真係認真喎！」

戀講嘢拍拖第二個月，木木就向男友講明想結婚。 — 拍拖第二個月，木木就向男友講明想結婚。（圖片來源：《戀講嘢》截圖）

行「奶奶政策」陪行山

木木之後就大行「奶奶政策」，同對方阿媽打好關係，兩「婆媳」好到木木有時口快會直接叫「媽咪」，又有對方阿媽whatsapp隨時打小報告，木木笑言：「我要攻略佢個仔，就要攻略佢阿媽先。佢阿媽好鍾意行山，我就6點起身沖涼，化好晒全妝，仲要襯衫，9點喺佢樓下陪佢阿媽食完早餐，就去行山。」

戀講嘢木木教返三位女主持轉頭，話要攻略佢個仔，就要攻略佢阿媽先！ — 木木教返三位女主持轉頭，話要攻略佢個仔，就要攻略佢阿媽先！（圖片來源：《戀講嘢》截圖）

男友被逼婚每次都敷衍

Helen問木木做咩唔煮埋早餐畀未來奶奶食？木木回答：「我平時喺佢屋企會煮飯，都會煮埋畀佢阿媽食，佢阿媽係好鍾意我嘅，佢都有講，話你哋結咗婚之後住邊之類，又話其實我好想你做我新抱，好明顯地逼婚，但男友就覺得太長遠，亦覺得媽咪好chur，每次都會敷衍住先！」

戀講嘢網民話木木雖然樣似姜濤，但動靜就似Sica，把聲似阿Day！ — 網民話木木雖然樣似姜濤，但動靜就似Sica，把聲似阿Day！（圖片來源：《戀講嘢》截圖）

男友大呻被木木管得太嚴

木木形容男友私底下比較幼稚，每次遇到問題都會話要瞓覺先，不停逃避：「所以我花時間打咗一篇文畀佢，話我都好想畀安全感你，我哋應該要點做之類，我係覺得我提出咗問題，想問佢有冇諗過點解決，但後來佢話畀我聽，佢係左耳入右耳出！」

拍拖期間木木更曾check男友電話，發現男友社交網的朋友list全部都係model女仔，男友更經常在她們的story中留言，她說：「我唔敢撳入去睇，驚自己唔開心，佢話自己純粹想傾偈！」有晚男友扮瞓後，她更從朋友口中得知男友去蒲老蘭，男友更向朋友大呻她管得他太嚴，覺得自己似在坐監。

戀講嘢雖然男友有好多缺點，但木木照單全收。 — 雖然男友有好多缺點，但木木照單全收。（圖片來源：《戀講嘢》截圖）

木木提分手男友求放過

後來木木忍受不了他經常講大話，又三番四次為出去玩而欺騙她，對她態度也不好，所以決定提出分手：「我同佢講我一心一意對你，但係你咁樣對我，你值得我嘅愛咩？然後隔咗一陣，我唔捨得，打番畀佢，之後佢就話：你放過我啦，我驚咗你呀！」193即話：「佢係覺得你好chur，等緊你同佢講分手！」木木反問：「咁點解佢唔同我講分手？」193同Helen就異口同聲回答：「因為唔想做衰人囉！」

戀講嘢木木曾向男友提出分手。 — 木木曾向男友提出分手。（圖片來源：《戀講嘢》截圖）

睇騷重逢情節似《經過一些秋與冬》

木木續說：「後尾有一次我喺九展睇騷撞番佢，佢夜晚就打番畀我，問我：你覺唔覺得我哋今日好似《經過一些秋與冬》個MV。佢變態到話其實我成晚冇睇騷，淨係睇你，我連你去咗幾多次廁所都知！」193解釋這首係Dear Jane的歌，而MV內容與木木及男友的情況相似。

戀講嘢三位女主持對木木男友求復合的說詞好不滿。 — 三位女主持對木木男友求復合的說詞好不滿。（圖片來源：《戀講嘢》截圖）

不敢再想男友會向她求婚「戀擺嘢」放低面膜一塊

之後木木便因為男友承諾和她訂婚而復合，男友更話要認真儲錢買樓，但木木指他並冇實際行動。錄影這集節目時，木木剛與男友復合約兩個禮拜，木木表示現在已不敢再想男友會向她求婚，因為怕期望越大失望越大，但她又指如果男友向她求婚，她也可能會一時衝動答應。

最後木木在「戀擺嘢」環節，放下男友送的面膜，她指當時她因為DSE壓力好大，皮膚變得好差，男友就在屋企拿了一塊面膜揸車過去送給她，她笑言每日都將面膜擺上神枱供奉：「因為係男友送畀我嘅愛，每日起身都要望住佢！」193除了送上祝福外，又叫木木要諗清楚先好結婚。

戀講嘢木木指男友專程揸車向她送面膜，最令她覺得Sweet。 — 木木指男友專程揸車向她送面膜，最令她覺得Sweet。（圖片來源：《戀講嘢》截圖）

戀講嘢節目播出後，木木在IG出po，笑言已改掉了戀愛腦的習慣，依家暫時已經唔想結婚啦！ — 節目播出後，木木在IG出po，笑言已改掉了戀愛腦的習慣，依家暫時已經唔想結婚啦！（圖片來源：IG@lamlamlam_1203）

木木原來係Channel幕前成員

木木現時IG有1.5萬位Followers，原來她現時除了做Freelance Model外，今年中已加入了一個新成立的YouTube Channel「娛宇宙 Fun Universe」，成為其幕前成員，網民看她的演出時，亦不時留言指她個樣好似姜濤，亦有網民指她的動靜好似Sica何洛瑤，聲線則似COLLAR成員Day許軼。