愛回家丨孫慧雪離巢KC慘遭派帽分手「番外篇」笑死網民：KC真命苦

孫慧雪離巢KC慘遭派帽分手

孫慧雪去年誕下細女後，突然宣佈離巢，令不少觀眾都表示擔心KC會再「被分手」。結果適逢情人節，劇情終於交代到二人的感情發展，KC與Rachel同遊法國時發生空襲，大小姐嘗試聯繫兩人的時候，發現二人已經分手，最後KC解釋原來因為Rachel在法國搭上法國仔，慘遭對方派帽而分手。

最新劇情交代到Rachel在法國同男同學一起。（圖片來源：《愛回家之開心速遞》截圖）

網民紛紛表示可惜：KC真命苦

對於KC和Rachel此對熒幕情侶「被分手」一事，一眾網民都表示非常失望和傷心，紛紛留言指：「KC真係命苦」、「終於有個正式結局。可惜較傷感。」、「約滿離巢被逼分離」等。

劇情大暴走 KC竟然搭上群姐？

二人分手後劇情開始大暴走，多次被分手、被派帽的KC不再相信愛情。其中更一度不小心看到群姐（許思敏飾）換衣服，最後送對方到醫院探望兒子時，得悉群姐的坎坷情史，將原先打算送給Rachel的戒指轉送群姐，為群姐了結心願。不過一眾同事不知道內情，以為KC受情傷後搭上群姐，劇情超爆笑。

二人拍「番外篇」笑死網民

孫慧雪和歐瑞偉原來一早已經拍下「番外篇」送給喜歡Rachel和KC CP的觀眾。在片中，KC在街頭遇上與Rachel「撞樣」的女士，不過對方就聲稱自己不是Rachel，KC亦串爆表示「你唔係Rachel？咁又係，呢個人肥咁多！」隨後，KC突然收到Rachel的來電，Rachel哽咽表示：「KC，我返唔到嚟喇！我唔小心有咗BB，但個BB唔係你呀！嚟，BB叫Uncle吖！」KC聽到目定口呆，而孫慧雪的BB更交足戲，即刻忍唔住爆喊，最後以「有緣再會…」四字為二人CP畫上句號。

收到此份特別的「情人節禮物」，網民都留言表示二人所拍的番外篇比TVB版本更加好睇：「肉肉哥好戲」、「多謝你！很好的愛回家番外篇」、「依個聯成好正」、「呢個結果幾好，好過TVB好多」等。

KC三代女友先後大肚離巢

KC在《愛回家》中有過三段戀情，三段都因為女演員因為大肚而被逼「被分手」。第一段就是與Helen姚瑩瑩分手，最後就交代因為Helen要繼承遺產所以與KC分手。接著劇情就安排到KC與飾演Icy的岑杏賢拍拖，但因為女方要生小孩加約滿離巢，所以最後亦分手收場。直到第三段由孫慧雪飾演的Rachel，亦因為雪雪大肚生仔加離巢，所以又再被分手！