想與女星 共度一宵 ？ 多個百歲配任你睇
Photo－新傳媒媒體庫、李佳芯＠IG、張曦雯＠IG、周慧敏＠IG、溫碧霞微博
68歲 鮑起靜
剛度過68歲生日嘅「鮑姐」鮑起靜，雖然並非十八廿二，但風韻猶存，睇番佢年輕時擁美人胚子，樣子相當出眾，當年同過不少當家小生傳緋聞，現在「鮑姐」榮升做係慈母、靚婆婆！其實鮑姐本應可以退下來，同孫女共享天倫之樂，但這位熱愛演戲嘅影后，仍然活躍於螢幕前，近日更喺無綫新劇《同盟》擔正做女一，走實力派嘅佢擁有不少影迷。
34歲 李佳芯
網民話同「鮑姐」配搭嘅係34歲Ali李佳芯，喺熱播劇《踩過界》飾演喜愛夜蒲嘅女法官，同盲俠王浩信發展感情線。李佳芯喺劇入面情慾戲尺度大，同王浩信床戲半裸上陣，又有一幕同張振朗女上男下，令人想入非非，唔怪得網民會對同Ali BB 共度一宵 咁有興趣。
Ali喺拍攝中嘅台慶劇《誇世代》要做打女，穿上緊身全黑貼身衣，盡顯Ali纖瘦身材！
82歲 羅蘭
另一組合羅蘭配張曦雯認真超級老幼配，非常長青嘅羅蘭姐已經82歲，入行57年拍過無數劇集電影，但令觀眾最深印象莫過於「龍婆」一角，其出色的表現令榮獲兩屆香港電影金像獎最佳女配角嘅提名！睇番羅蘭姐年輕時絕對係一名美女，而時至今日觀眾仍然好鍾意羅蘭姐，大家不難喺電視上見到羅蘭姐嘅身影。除咗客串劇集，甚至海洋公園哈囉喂嘅廣告亦深入民心，羅蘭姐絕對係生招牌。
大家仲記唔記得「迷女皇」呢？
27歲 張曦雯
華姐冠軍出身嘅張曦雯(Kelly) 最近喺旅遊節目《3日2夜》又同大家見面，帶大家去毛里裘斯玩番轉。Kelly擁有1米75的高挑身材，再加豐滿上圍，著起性感泳衣上山下海，非常養眼！佢仲有個外號叫「打機女神」，性格爽朗嘅佢好鍾意打機，打機片段中更不忌諱咁爆粗，呈現自己勁投入嘅樣子，難怪宅男們話打機女神超級貼地！
51歲 溫碧霞
網民嘅提議不乏美魔女配對，包括51歲溫碧霞搭49歲周慧敏。溫碧霞早前被爆與老公何祖光婚姻亮紅燈，不過最近已經雨過天晴，Irene仲心情大好，不時甫相晒幸福，更加有性感泳衣照。Irene年過五十，依然樣靚身材正，真叫人羨慕！
49歲 周慧敏
另一位美魔女周慧敏(Vivian)，多年嚟都被譽為玉女掌門人，清麗脫俗嘅Vivian美貌、身材多年不變，當然是不少男士們嘅夢中情人。不過，Vivian已經位結婚八年多嘅「大將軍」倪震，大家幻想一下好啦！近年Vivian其實都好少出席公開活動，偶爾至會接受邀請擔任好友嘅演唱會嘉賓。
