徐少強女黐實人夫敖嘉年 教拳愈行愈埋
徐少強女黐實人夫敖嘉年 教拳愈行愈埋
敖嘉年自爆在觀塘出世、長大,由細住到大結婚後繼續在觀塘落地生根,果然 係土生土長觀塘人,除咗跨區開工拍戲,平時一日三餐、買嘢入貨,連整車都在區 內搞掂。日前敖嘉年把座駕泊在觀塘工廈區車房接受護理服務,等攞車時順手在附近食飯醫肚。其實食飯有個伴有幾閒,奇就奇在當日陪住敖嘉年撐枱腳的徐少強與 雪梨之女徐頴堃一見鏡頭一臉尷尬,煞有介事彈開三尺遠。
秒速彈開
隔開成尺遠行足半條街,敖嘉年一個箭步行入街 尾一間汽車美容店,Erica就默默緊隨其後。二人商量片刻,再次出現時,Erica擰歪面避開鏡頭先行離去。
因利乘便密密會
41歲敖嘉年同30歲徐頴堃本來風馬牛不相及,Erica12年參選華姐後從溫哥華回 流香港發展,在有線做過主持、亦幫ViuTV拍過劇集,去年獲姨媽米雪引薦首次在 無 綫 劇《 溏 心 風 暴 3 》得 到 演 出 機 會 , 而 當 時 敖 嘉 年 已 經 離 巢 恢 復 自 由 身 。
二 人 去 年 尾因為合拍陳國坤監製電影《拳道》首次合作,據悉二人一見如故甚為啱傾,上月套 戲已經煞科,不過敖嘉年就繼續教拳教戲與徐頴堃保持見面。每次見面,更沒有老 婆Peggy和其他演員在場。早前Erica又殺到入觀塘約見敖嘉年,原訂計劃陪食飯陪 攞車再去下一站,但一見記者鏡頭即時彈開,二人齊齊入車行密斟一輪後,Erica 更 改變計劃先行獨自離開。男方有老婆又正值事業搏殺期,女方為敖嘉年著想避 忌,認真抵得諗。
秘婚
敖嘉年同女友Peggy同居八年再於16年秘婚,雖然同行 10年, 但就絕少提及另一半 和自己的人夫身份。09年敖嘉年遇襲被梁靖琪開車送入院，因而傳出緋聞，其後即罕有拖女友Peggy出巡曬恩愛，以示同Toby關係清白。
大學讀犯罪心理學,不過一 直有意入娛樂圈發展,Erica 聽姨媽話選美入行,12年回 港參選華姐亦殺入最後五強。選完華姐拍過廣告做過主持，其後加入有線擔任飲食節目《為食情報局》主持。
米雪養大
80年代年方18歲的雪梨撻著有婦之夫徐少強,更堅 持生下徐偉棟和徐頴堃兩兄妹,二人7年後分手,兩兄 妹就被雪梨送去加拿大由母親及胞妹湊大。Erica不止一 次表示,同親生父母關係疏離,同姨媽米雪反而更親見 面更多,由細住到大的溫哥華豪宅亦是米雪名下物業。
