【港姐2018】港姐佳麗上《後生仔傾吓偈》兩人自爆從未拍過拖……
廣告
《2018香港小姐競選》決賽於今個月26日舉行，日前20位佳麗就去到人氣節目《後生仔傾吓偈》做嘉賓，搞到兩位前港姐冠軍麥明詩同馮盈盈都忍唔住自認係「old seafood」！一眾佳麗上到去《後生仔傾吓偈》，當然就唔會講扮靚或者選美心得咁老套，今集以「戀愛經歷」為題，仲有兩位佳麗自爆從未拍過拖……
撰文：東方新地｜圖片：節目截圖、Instagram
【港姐2018】港姐佳麗上《後生仔傾吓偈》
最新一集《後生仔傾吓偈》中，搵來20位2018港姐候選佳麗做嘉賓，搞到兩位前港姐冠軍麥明詩同馮盈盈都忍唔住自認係「old seafood」！上得《後生仔傾吓偈》，當然就唔會講扮靚或者選美心得咁老套，今集就以「戀愛經歷」為題，一齊分享感情事～
「Available」定「Occupied」？
一開始麥明詩同馮盈盈就叫各位佳麗寫上自己的戀愛狀況，分別係「Available」(單身)同「Occupied」(有伴侶)，大家係咪都覺得成班佳麗們肯定已經有另一半，又或者大把戀愛經驗呢？
兩人自爆從未拍過拖……
唔只係咪唔想透露啦，結果見到有一半人都表示自己係Available，更加有兩位佳麗係「A0」，即係從集未拍過拖呀！大家估係邊個？
「A0」佳麗(一)：6號杜愛恩
首先第一位「A0」佳麗係6號杜愛恩(Olivia)！Olivia表示自己身邊其實不乏追求者，但自己一向都唔太著緊，不過就講咗句「但如果有嘅大家都可以安排吓。」即係都想拍拖啦！
「A0」佳麗(二)：11號李明芙
而另一位「A0」佳麗就係11號李明芙(Samantha)！Samantha表示屋企管得好嚴，18歲之前媽咪都唔俾佢自己出街(真的嗎？) 以前讀書時就學業為重，依家就以事業為重，所以屋企人都預佢會做老姑婆咁話！
同場加映：港姐大會照片出爐 驚見黃宗澤……
《2018香港小姐競選》仲有兩個星期就舉行，不過大台荒死網民無花生食，日日有話題俾大家笑餐飽～ 繼一班港姐佳麗早前外景去西貢同「羅馬競技場」後，最新花生係幫一眾港姐搞搞新形象！不過靚唔靚就真係見仁見智，其中一位佳麗仲變咗黃宗澤咁樣……
1號 蘭倚婷
不過網民一望到1號蘭倚婷，都不禁話同黃宗澤好似樣！
2號 庄嘉慧
3號 梁致欣
4號 鄧美欣
5號 鞏姿希
6號 杜愛恩
7號 丁子田
