張衞健自爆當年與張茜結婚留遺憾 15年後決定親手彌補！
撰文：東方新地｜圖片：微博
張衞健情路波折
話說，張衞健(Dicky)與太太張茜結婚至今已不經不覺15年，不過二人依然恩愛如昔。然而愛情路上，Dicky從來都唔係一帆風順。曾經，Dicky就被圈外女友劈頭扔下一句「不如我們分手吧！我不想跟你拍拖，如果嫁給你，買個LV都要等半年！」，而被分手。
其後，另一位前度亦試過當住Dicky面鬧：「我不是要嫁一個有錢的老公，但是你連自己都養不起，怎麼養我？」幸然，現在嘅Dicky已遇上一位單純樂觀而又不貪慕虛榮太太張茜！
與張茜結婚留遺憾
雖然張茜比張衞健年輕9歲，但Dicky對佢一見鍾情，而且喺張衞健頻臨破產時，張茜亦留喺Dicky身邊不離不棄！不過當年二人結婚時，由於張衛健投資失敗面臨破產，而張茜為不想增加Dicky嘅負擔而決定網購一件二手婚紗婚鞋！
Dicky婚後一直對此事耿耿未能釋懷，所以為了彌補當年遺憾，佢親自於節目上設計結婚頭紗及炮製愛心餐俾太太。15年後Dicky親自送上結婚頭紗及婚鞋，並為太太戴上及向張茜告白：「我們不希冀激情澎湃，但求細水長流。」
