張致恒地盤開工被捕獲身型起變化 網民勁擔心1件事
張致恒 被發現已到地盤開工
有網民分享了張致恒在地盤工作的照片,並留言鼓勵他:「努力工作吧,希望能堅持。」睇翻張致恒曾在上月公布成功考取了地盤「平安卡」(即「建造業安全訓練證明書」)的喜訊,並說:「終於有啦!有冇地盤即pay介紹?」
![張致恒 張致恒一家6口屢陷財困,更曾出動收款QR Code,求網民「捐錢」。(圖片來源:IG@stevencheung)](https://imgs.nmplus.hk/wp-content/uploads/2024/07/snapinsta.app_437673589_1551612505635559_6782370457679068317_n_1080_1308837582668c7c9958fa5.jpg)
臉帶笑容身型變清減
在被捕獲的照片中,可以見到張致恒頭戴黃色安全帽,穿著灰色上衣配黑色褲,身型比起以往清減了不少,但臉上帶著笑容,同工友有傾有講,似乎心情不俗。
![張致恒 網民在地盤捕獲正在開工的張致恒,並留言鼓勵他。(圖片來源:小紅書圖片)](https://imgs.orientalsunday.hk/wp-content/uploads/2024/07/03_55198824669a20de28f74-767x1024.jpg)
有網民鼓勵:自食其力不丟人
許多網民都對張致恒終於有工開表示支持,紛紛留言為他打氣:「加油啊,腳踏實地總歸是好的,希望能堅持」、「只要努力工作賺錢養家就值得鼓勵,要好好堅持工作啊,要養小朋友們的」、「自食其力不丟人,希望他能堅持吧」。
![張致恒 網民紛紛留言為張致恒打氣。(圖片來源:小紅書圖片)](https://imgs.orientalsunday.hk/wp-content/uploads/2024/07/04_1327008643669a214d688f6-774x1024.jpg)
有網民擔心天氣太熱頂唔順
但亦有網民擔心他因為天氣太熱而堅持不下去,甚至有網民質疑他只是扮勤力博洗底,更有網民叮囑工友們不要借錢給他:「夏天做到底褲都濕埋,好快就頂唔順」、「唔知係咪為咗拍片而去考,定洗心革面去開工」、「希望佢唔好三分鐘熱度」、「可以頂到幾多日?」、「捱到頭一個月先講啦」、「扮勤力呃貨金」、「懶開好難,過多幾日先再講」、「希望d工友醒目,唔好借錢俾佢啦」。
![張致恒 除了做地盤工外,張致恒亦有繼續做KOL接IG廣告賣滅火筒。(圖片來源:IG@stevencheung)](https://imgs.orientalsunday.hk/wp-content/uploads/2024/07/01_639499515669a21845e4f4-819x1024.jpeg)
雯雯曾斥張致恒「為咗瞓覺唔讀平安卡」
去年吳浩康為養家成為「職安真漢子」,獲網民大讚有擔當而人氣急升,有不少網民都曾勸張致恒效法吳浩康去做地盤工養家,但今年1月雯雯當時曾發文控訴張致恒:「為咗瞓覺自己唔去讀個平安卡。」吳浩康亦曾透露邀請過張致恒加入做地盤工,但被對方拒絕:「佢咁啱有朋友介紹工作畀佢,佢話到時唔啱先再諗。」
![張致恒 雯雯經常鬧爆老公張致恒「又廢又懶」。(圖片來源:YouTube@uglymama)](https://imgs.orientalsunday.hk/wp-content/uploads/2024/05/-2024-05-20-6.43.41_504759409664b296526f77-1024x727.png)
雯雯早前欠租面臨被逼遷
雯雯上月底透露,因長時間欠租,房東給予最後通牒,要求他們在6月30日前搬家。她無奈地表示:「依家咁即係叫我去死?」雖然最終找到人幫忙支付租金,但她的言論中流露出絕望,她說:「我連狗都不會放棄,更何況小朋友?所以如果要瞓街,不如一齊離開,唔係發悔(晦)氣,而係冇人會明白,係冇路行。」
![張致恒 雯雯上月底透露,因長時間欠租,房東給予最後通牒,不過最後都成功解決咗(圖片來源:IG@ugly__mama)](https://imgs.nmplus.hk/wp-content/uploads/2024/07/mfylh4rxb5ffurfw1o6mp-whsjjz2q2wcwv8qglr_ko_98718454668c7c496b95d.jpeg)
夫妻罕有齊心否認收7萬
張致恒早前接連在內地登台演出,引起網民熱烈討論,卻被疑似知情人爆出其登台歌酬多達7萬,疑因此引來債主的追數,令Steven急急在其IG限時動態作出否認:「拜託你唔好亂寫可以嗎?搞到個個都嚟問我係咪收七萬,係收七萬我就唔使咁閉翳啦!」雯雯也極速表示:「七萬?如果係,我而家唔使咁乞丐。」夫妻罕有齊心。
![張致恒 早前張致恒連環北上登台。(圖片來源:抖音截圖)](https://imgs.orientalsunday.hk/wp-content/uploads/2024/06/01_1007648938665e8ff3eb7bc.jpg)
張致恒承諾:有多餘嘅錢我一定會還
其後Steven再出限時動態,指網友只是亂講:「我收七萬蚊一場我就唔使咁辛苦去打工啦,就係網友一句亂講嘅說話搞到我而家好麻煩,我只係想努力工作努力生存努力搵錢,求下你哋畀條路我行啦,應付到屋企開支,如果有多餘嘅錢我一定會還畀人。」
![張致恒 Steven貼出疑似正在揸鑊鏟的手部自拍照,表示:「收七萬蚊一場我就唔使咁辛苦去打工。」(圖片來源:IG@stevencheung)](https://imgs.orientalsunday.hk/wp-content/uploads/2024/06/04_254384546665e91329f9a4.jpg)
張致恆由派傳單升級做廚房
睇翻張致恆曾分享過一張宣傳單張的照片,並興奮地寫下:「食午餐,飲靚奶茶喇喂!」透露自己正在派發傳單,並即將回到廚房工作。張致恆還展示了手持外賣的照片,並表示自己負責送外賣。不過張致恆的工作經歷常因為需要照顧家庭而需要暫停,因此今次的新工可以堅持多久,仍是一個未知數。
![張致恒 張致恆早前透露自己在茶餐廳工作。(圖片來源:IG@stevencheung)](https://imgs.orientalsunday.hk/wp-content/uploads/2024/04/-2024-04-03-5.58.29_1674232072660d2ba018632.png)
雯雯不忿發文護夫罕有讚張致恒為家庭努力工作
面對網民的批評,雯雯在社交媒體上發文護夫,她轉發了一篇負面報道並說:「其實有工作搵下錢生活又要畀你哋寫到咁,其實你哋內心係諗咩,係咪真係全家消失你哋呢班人就最開心。」又爆出老公今次開工搵錢的原因是為個仔慶祝生日。雯雯還罕有地稱讚張致恒不顧一切地為家庭努力工作,並質問為何不能給他一條生路。
![張致恒 雯雯爆張致恒今次開工搵錢,是為了替囝囝慶祝生日。(圖片來源:IG@ugly__mama)](https://imgs.orientalsunday.hk/wp-content/uploads/2024/05/14_136542170566544ef835301.jpg)