張繼聰教定一歲囡囡拒絕男生 大讚有老婆風範？
廣告
張繼聰除咗最愛喺個人社交網同老婆謝安琪閃爆留言外，另一樣最鐘意嘅就係放囡囡張靖（KaKa Ball）嘅可愛萌爆片同大家分享！最近，佢就上載另一段KaKa Ball最新短片上個人社交網，上次就問呀女老竇點叫，今次就教KaKa Ball將來點樣拒絕男仔喎！
撰文：東方新地｜圖片：Instagram
張繼聰教定一歲囡囡拒絕男生
一向都知張繼聰勁錫寶貝女張靖（KaKa Ball），呀女出世後就已經外父上身話：「諗到佢將來有男仔拖佢手我已經嬲！」日前，佢喺個人社交網上載兩段關於囡囡嘅短片，教個女點樣拒絕男仔！見張靖開頭坐唔穩兼趴地嗌「哎呀」，
之後坐定定老竇就指示：「坐低先，123，哼吖。」
張靖就即刻扁起嘴仔、交叉繑手兼擰歪面，再高傲咁發出「哼」一聲，十分趣緻！
大讚有老婆風範
睇到囡囡咁叻豬，充滿成功感嘅張繼聰就留言：「好努力教妹妹第日啲𡃁仔想約佢去街嘅反應 #哼 #依家放心哂 #有佢媽咪嘅風范（範）」言詞中就仲透露咗老婆謝安琪都係咁，原來最終目的係想KaKa Ball將來似媽咪咁拒絕男仔！
