張繼聰考囡囡點叫老竇 萌爆張靖超醒目回答！
撰文：東方新地｜圖片：Instagram
張繼聰考囡囡點叫老竇
張繼聰一家四口幸福滿瀉就人人都知，昨晚張繼聰就上載一段不斷問囡囡「動物點叫」嘅對答短片喺個人社交網，片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫，而呀囡亦非常有耐性咁續一回答「谷谷」、「咩咩」嘅叫聲，非常萌爆！
問到鴨仔點叫時，KaKaBall仲勁叻叻豬咁拎起隻膠鴨仔畀老竇睇，真係醒目呀！
經過一輪問動物點叫嘅對答後，張繼聰終於入自己心中一直想問嘅正題，佢就問呀女：「咁爹哋點樣叫㗎？」
KaKaBall諗一諗後，就勁醒目咁答：「阿聰！」聽到老竇起勢咁爆笑！
就連唔少網民睇到都一致讚KaKaBall既精靈又夠醒目、可愛呀！有網友仲話忍唔住要睇多幾次添！
張繼聰「花式自殺」？
KaKaBall面對住老竇一個又一個提問都咁耐心答每個問題，難怪謝安琪（Kay）即刻留言指：「可憐呢位小朋友，每晚都要答咁多問題……」張繼聰就回應老婆：「同佢爸爸一樣」有網友就留言指呢個係「花式自殺系列」認真笑爆嘴！
有片睇！
張繼聰連環問問題
KaKaBalll耐性答老竇連環問題，已經唔係第一次，幾日前嘅另一段溫馨短片中，張繼聰講完「BB要奶奶，爸爸要Chu Chu～」就不斷問呀女「邊個要奶奶？」、「邊個要ChuChu？」、「爸爸要？爸爸要？」
雖然KaKaBall聽到一頭霧水，但依然好乖咁回答老竇，真是小啲耐性都頂呢個老竇唔順。
有片睇！
張繼聰：我係佢最大𠴱隻毛公仔
張繼聰首先分享了一張個人照片，見他拿著兩個毛公仔，指自己最近經常陪1歲大嘅女兒Karina玩毛公仔：「依排玩咩？陪妹妹玩毛公仔」。
不一會兒，張繼聰又分享一段影片，片中見到Karina主動跑去抱著爸爸，張繼聰sweet爆指：「我就係佢最大果（𠴱）隻毛公仔」，大晒幸福！
謝安琪呷醋：我係佢最鍾意𠴱隻
作為Karina的媽媽，謝安琪當然也不甘示弱，在老公的影片中留言：「但係我係佢最鍾意𠴱隻」，醋味超濃！
一起睇睇父女二人有幾sweet：
我就係佢最大果隻毛公仔👧🏻❤️
張繼聰 Louis（@louischeung2013）分享的貼文 於張貼
要哥哥定爸爸？張繼聰同11歲張瞻爭女
自從細女Karina出世後，張繼聰全家都非常愛錫囡囡，簡直當囡囡係公主！早前張繼聰就同囝囝張瞻玩爭寵，片中囡囡Karina企喺囝囝同張繼聰中間，囝囝同爸爸各自引Karina前往自己身邊，最後輸左嗰個竟然抱頭痛哭⋯⋯
只見最後囡囡揀咗攬哥哥，哥哥笑到見牙唔見眼！
而張繼聰爭寵失敗，竟然碌地兼「抱頭痛哭」！
爭女全程睇：
比賽過程峰迴路轉，補時階段，右方被絕殺🤦🏻♂️🤣 賽後雙方表情各異😂
張繼聰 Louis（@louischeung2013）分享的貼文 於張貼
張瞻教妹妹1至10英文數字 KaKaBall
其實難怪妹妹要哥哥張瞻不揀爸爸，因為11歲的瞻瞻實在對妹妹愛惜有加，亦盡好哥哥本份，日前阿聰在IG上載一段張瞻教妹妹1至10英文講數字的片段，阿聰則搞笑留言：「好老師，好學生」
片中見到張瞻好有耐性教妹妹讀One to ten，而張靖亦乖乖跟住哥哥讀，最後兩兄妹還齊齊拍掌叫Yeah，畫面真係好有愛﹗
哥哥都忍不住留言讚妹妹：「I taught my sister 1-10!! Don’t mind it. She says 4 as “Choi “ and eight as “ faggot” how cute is that?!!!」
牙牙學語的KaKaBall手指指跟住哥哥讀，偶有發不到音就再讀多次，讀完還拍手掌讚好。
1-10😱 好老師，好學生👦🏻👧🏻 ❤️
張繼聰 Louis（@louischeung2013）分享的貼文 於張貼
張繼聰 同囡囡玩「機動遊戲」
不過張繼聰都有絕招，就係同囡囡玩打關斗，呢樣「機動遊戲」哥哥就做唔到啦！
遊戲開始，先見囡囡衝埋張繼聰度，之後佢將囡囡成個擺咗上腳，再舉起雙腳，令囡囡幾乎倒立！
最後又成個秤起囡囡，安全落地！
連機動遊戲都撈埋🤨💪🏼
張繼聰 Louis（@louischeung2013）分享的貼文 於張貼
張繼聰話呢類親子活動其實對小朋友大腦，平衡力發展等都好有幫助，又提醒大家「動作係經老師教導，各位朋友切勿隨意嘗試」！
睇完上條片，有人問妺妹有冇好驚? 佢的確係好驚，好驚冇得再玩😂 依類親子活動其實對小朋友大腦，平衡力發展等都好有幫助👍🏼 不過動作係經老師教導，各位朋友切勿隨意嘗試😉
張繼聰 Louis（@louischeung2013）分享的貼文 於張貼
