全家襯晒衫 張繼聰 做龍友影家庭照
廣告
一連幾日長假期，有唔少人都選擇一家大細行開幾日，度吓假。張繼聰同謝安琪就趁呢個假期，難得又有好天氣，忙裡偷個閒，同一對仔女喺屋企附近散個步，爸爸張繼聰仲化身龍友，為家人留個倩影。
編輯：東方新地 │ 原文：Sunday Kiss│ 圖片：張繼聰ig、謝安琪ig
張繼聰襯晒衫去散步
黃昏時分，張繼聰同太太謝安琪，囝囝張瞻，仲有囡囡張靖，一家四口趁晚飯前喺自住屋苑散步。一身白色衫，明顯有襯過啦！
由爸爸負責揸機，將兩個一生最愛嘅女人，影得特別靚！
阿仔喺爸爸嘅鏡頭下，忽然多咗幾分90年代嘅偶像特質！
可惜少咗一張全家福！呢張唔知係媽咪揸機定係阿仔揸機呢？
張繼聰 謝安琪 開自家花燈會
係人都知，張繼聰同謝安琪住喺大埔豪宅比華利山，間house對住個無敵海景，上星期中秋節佢哋一家人就喺屋企食飯聚天倫！
晚飯期間，仲有妹妹表演魔術助興！
食完飯，就將自己個天台，變咗做花燈會喇！排滿風琴式紙燈籠，好靚呀！
天色都算唔錯，夜晚又有點涼意，最適合就係賞月啦！睇吓阿Kay同個女一齊賞月，幾enjoy！
玩完賞月又玩錫錫，好溫馨呀！
大時大節，11歲嘅哥哥張膽，就一個咁坐咗喺天台望月，型到呢！
型到媽咪都要學吓！
大時大節，「晒囡狂魔」又點會唔把握機會晒吓！
