張漢斌演死囚臭足四個鐘仲要吞三文魚自殺…

資深演員張漢斌你認唔認得？

資深演員張漢斌相信就咁睇個名，應該唔知佢係邊個，不過見到樣你一定知！

早前《翻生武林》第五集中，張漢斌飾演一名準備行刑的死囚，唔單止要遊街示眾，仲要被掟雞蛋、蕃茄、豆腐等餸頭餸尾。

佢為咗救飾演掌門嘅鄭子誠，不惜「吞肉」自殺，呢幕精彩得令人難忘。

雖然出街可能只係幾秒鐘，但係完來呢一節戲拍咗成四個鐘，加上啲雞蛋、豆腐的臭味勁難頂，張漢斌都坦言拍完後係成身惡臭！張漢斌受盡屈辱、但寧死不屈嘅表情，真係唔係人人做得咁逼真！專業！

不過話就話係「吞肉自殺」，不過觀眾就發現「嚿肉」竟然係橙色，明朝點解會有厚切三文魚腩呢？張漢斌解釋指，劇本原本係寫吞生豬肉哽死，不過真係放唔到入口，所以就改用魚生。不過等候拍攝時間太長，加上嚿魚生放都放到暖晒，都實在好惡頂⋯

張漢斌拍過幾多劇真係唔知，總之見到佢一定認得佢係無綫演員，話說佢早前喺無綫劇《三個女人一個「因」》中都有演出，佢同鍾志光分別飾演曼聯球迷及利物浦球迷，最後仲鬧上法庭呢幕，相信觀眾都歷歷在目，球迷們更是超有共鳴！

「惡利狗！」曼聯同利物浦球迷，誓不兩立！

張漢斌仲要喺法庭唱出曼聯會歌：「Glory glory Man Utd… 」

關鍵詞