【天天向上】張栢芝被嘲係「大話精」網民搜證質疑謊話連篇

張栢芝《天天向上》講唔出兒子愛吃什麽菜

喺最新一期《天天向上》一開始係講粵菜，主持人話張栢芝住香港應該最常接觸粵菜，栢芝話佢爸爸係廚師，自小跟爸爸學懂不少菜式：「因為我自己從小到大都喜歡煮菜，我生小孩之後我兒子他們喜歡的菜都是我自己煮，大兒子就喜歡中餐，第二個就喜歡西餐。」

主持人大張偉就問佢兩個兒子分別喜歡什麼菜？張栢芝唔係知咪聽唔到，輕輕一句帶過：「對，每一天我都要做兩個不一樣的菜。」即係一中餐一西餐！咁但到底兒子食咩菜？栢芝冇講！

主持大張偉仍然不放棄繼續追問兩個兒子最喜歡食咩菜式，而栢芝就東拉西扯話：「你問那個兒子？第三個喜歡奶！」繼續遊花園！

主持窮追猛打再追問兒子喜歡吃什麼菜式，栢芝才說：「謝振軒喜歡白米飯，謝振南他就喜歡漢堡包，我自己就喜歡蔬菜。」網友質疑自認煮嘢食好叻，又日日煮一中一西菜式畀兩個仔食嘅媽媽，點解會講唔出菜名？

咁都未完，栢芝話：「我自己就喜歡蔬菜，因為我天生喜歡吃素，我是從來沒有吃過肉的。」在場嘅主持、嘉賓們都似乎唔相信。

嘉賓李湘就問叉燒、乳豬嗰啲全部冇食過？栢芝點頭話：「對因為我天生就喜歡蔬菜。」仲話阿媽打佢都唔食，但海鮮佢係會食嘅！

雖然唔食，但栢芝話佢可以把有肉嘅菜式煮得好好食：「但是我可以把牛排﹑咖喱雞什麼的我都可以弄出來。」

有網友就找到栢芝以前亮相多個綜藝節目時，曾即場吃肉，其中一次仲食曹格整嘅鍋包肉，大讚好吃！

唔止咁，栢芝曾分享過佢煮牛排嘅經驗，話煮之前按摩塊肉，又話塊肉同佢講話OK可以拎去煎，網友質疑佢講大話已經變成習慣！

網民愈揭愈多栢芝嘅驚人語錄，佢曾經話「拍戲3個月不睡覺」、「連睡16天」、「越不洗臉皮膚越好」、「越吃消夜就越瘦」等，網民都話栢芝唔止愛講大話，而且言論好浮誇！

栢芝自稱試過連續瞓16日不曾醒，佢話自己唔係死而係瞓，又話家人會喺佢瞓覺期間同佢換面膜，真係匪夷所思。

關鍵詞