張智霖與胡杏兒拍攝新片 大爆當年向老婆求婚過程
廣告
近日，藝人胡杏兒與張智霖（Chilam）到西灣河拍攝新片《死亡通知單暗黑者：首部曲「雙雄會」》，日日三十幾度高溫，Chilam都熱到頂唔順要除外套。拍攝當日，佢哋兩個要拍一場求婚戲，而且Chilam即場為杏兒戴上戒指，但就唔肯跪低，究竟點解 ？
撰文：東方新地｜圖片：新傳媒圖片庫
張智霖與胡杏兒拍攝新片
最近夏日炎炎，胡杏兒就同張智霖到西灣河為新片進行拍攝，而二人更即場拍攝求婚戲，為杏兒戴上戒指，但就不肯跪低。Chilam笑言指感覺尷尬：「因為之前合作是演兄妹，這次要處理好心理才投入到戲內」。
大爆當年向老婆求婚過程
講到當年同老婆袁詠儀求婚過程，Chilam笑笑口話：「我懶係勁，喺新加坡酒店話送禮物畀佢，點知打開係耳環，佢有少少失望，不過我話原來仲有。諗番轉頭我笨咗，仲要買多對耳環，咁多年都未見佢戴過。」
張智霖膝下有黃金
當被問到佢求婚時有冇跪低，Chilam就話：「冇呀，男人膝下有黃金！」原來當年求婚都冇向老婆跪低，唔怪得拍戲都唔肯向杏兒跪低啦。
胡杏兒嫌當年老公求婚有不足
至於杏兒接受訪問時亦同樣回憶起老公李乘德求婚一幕，更笑指對方起身太快：「佢跪咗唔係好耐，當時自然反應叫咗佢起身，應該要佢跪耐啲先可以好好記住，呢啲嘢一世人一次嘛。」
張智霖期待收父親節禮物
下個月就是父親節，張智霖表示希望兒子魔童送禮，講到出口話：「希望啦！我最近睇中咗一幅畫，希望我老婆帶個仔去買俾我」。
