張新悅陀b七個月 宣布第四胎性別

撰文：東方新地｜圖片來源：楊張新悅IG、FB

張新悅 宣布第四胎性別

育有三個囡囡的楊張新悅早前宣佈懷第四胎，她出席活動時宣布今胎陀B女。Nicola話︰「今次陀B期間冇乜體毛，加上相士話過我老公前世有好多女朋友今世要還，所以我一早估到BB性別。直至上個月驗血，終於知道結果，屋企會有四個女四條Queen！」問到丈夫及家人可有失望？楊張新悅說︰「冇，他們以『哈哈哈』來回應！」

封肚拒追仔

問到會否再追第五個，Nicola笑話：「唔好喇！唔好喇！千祈唔好祝我連生貴子，我真係頂唔順，喺香港生三個我覺得勉強係應付到！」Nicola亦指自己能夠有4個小朋友，係天賜嘅禮物，畀機會佢再去培育一個小朋友同做母親的責任。

楊張新悅溫馨五口

現年41歲的楊張新悅 （Nicola）十年前淡出娛樂圈，在07年與教育局前政治助理楊哲安結婚後息影，並於10年間誕下三個囡囡Lucy、Lily和Leah，分別已經9歲、7歲和3歲。

舊曲新詞新MV公布喜訊

昨日，楊張新悅突然在社交網站上傳一段自編自導自演的影片，公布懷有第四胎的消息。Nicola以電台訪問作為影片開首，自稱楊師奶嘅佢就話近來拒絕咗好多活動邀請，尤其是夜晚嘅派對，令好多人誤會佢「好唔畀面」。

老公 囡囡訓身支持

然後，以自己的歌曲＜一不小心＞，加上改編歌詞，道出大肚婆的辛酸及無奈。影片中，唔止三個囡囡有份，連老公楊哲安都有上鏡。

被老公欺騙「好唔安全」

楊張新悅曾經講過「三個就夠晒數」，本身亦冇打算再追B。今次意外懷孕，原來係老公搞破壞！Nicola指自己對藥物敏感，所以安全措施一直都係交畀老公負責，今次有咗第四個B，明顯係老公「唔夠安全」喇。

一家五口 扭腰跳舞

雖然得知懷孕消息時，Nicola覺得唔開心，亦一度嬲過老公呃佢，不過Nicola依家已經開心接受第四個BB的來臨。所以一足3個月，Nicola就召集全家總動員一齊拍MV宣布喜訊，連老公都一齊扭腰跳舞，搞笑得嚟亦好有誠意！再一次恭喜Nicola！

有片睇：