七福星｜七師傅驚張敬軒個遮遮道行未夠？ 大年初一居然請軒公食隔夜飯
廣告
張敬軒的家傭「遮遮」因為她的提供的「膳食」而成為IG紅人，而軒公亦化身成為「早餐界KOL」，為網民帶嚟不少歡笑聲！不過作為軒公老友嘅七仙羽七師傅都不甘示弱，在大年初一嘅ViuTV節目《七福星》入面就決定請軒公擦餐勁，直接挑戰遮遮嘅地位！
文：東方新地 ｜圖：《七福星》提供、IG@hinscheung
張敬軒被「遮遮」和「軒伯母」夾攻
軒公的「早餐界KOL」之稱，可以話係完全受家傭「遮遮」常為他準備一些地獄料理做早餐而出晒名，例子包括「薑蔥炒雞腎走腎」、字母方包等等，無不令軒公哭笑不得。但正如軒公講過「一遮還有一遮高」，軒伯母嘅廚藝亦唔講得笑，早前首創「唔知石屎定溶岩瓊咗十足月球表面早晨全餐」真係嚇到網民眼都凸埋！
即回顧部分佳作：
七師傅送上隔夜飯
而《七福星》年初一（2月1日）播出的一集，邀得張敬軒擔任嘉賓。張敬軒指今次要跟七師傅鬥智鬥力，大讚師傅轉數極快，就如「無定向風」一樣。七師傅準備了隔夜飯給軒公，更指每粒飯硬得跌落地都會彈起，借機祝福軒公「落地反彈，星途無限」及「年年有餘」！
