張家輝望參加藝人版《中年好聲音》講TVB人工引網民熱議

張家輝睇《中年好聲音》睇得好開心

張家輝在訪問中講到當年疫情時就係靠睇《中年好聲音》度日，仲話第二季播出時自己係追得最足，張家輝直言最鍾意這個節目的本質，同時覺得這個節目好成功，因為可以畀到中年人一個機會，而參賽者背後的故事，更係令節目更豐富好睇的元素。

張家輝張家輝話當年疫情時就係靠睇《中年好聲音》度日，尤其第二季追得最足。（圖片來源：TVB） — 張家輝話當年疫情時就係靠睇《中年好聲音》度日，尤其第二季追得最足。（圖片來源：TVB）

張家輝張家輝大讚《中年好聲音》畀到中年人一個機會，本質好正面。（圖片來源：TVB） — 張家輝大讚《中年好聲音》畀到中年人一個機會，本質好正面。（圖片來源：TVB）

提議TVB搞《中年藝人好聲音》

張家輝話當自己睇到參賽者點樣晉級、淘汰、努力，見到有talent的人，又或者係參加過就滿足的參賽者，自己都會睇得好開心，同時覺得節目好正面。問到家輝會唔會考慮上節目做嘉賓評判？家輝就話自己直頭想參加，仲問點解唔搞返個《中年藝人好聲音》。

網民指11年前已有藝人版《星夢傳奇》

張家輝這個提議獲得不少網民支持：「中年藝人好聲音，有得諗喎，化骨龍唱灰色軌迹」、「支持中年藝人好聲音」，亦有網民指出TVB已舉辦過類似的選秀節目，就是2013年的《星夢傳奇》，這比賽的特色是所有參賽者均是TVB藝員，因此被稱為藝員版《超級巨聲》，而最終冠軍則是鄭俊弘，他更同時獲得「專業推介表現大獎」。

張家輝鄭俊弘當年曾是《星夢傳奇》雙料冠軍。（圖片來源：新傳媒照片庫） — 鄭俊弘當年曾是《星夢傳奇》雙料冠軍。（圖片來源：新傳媒照片庫）

曾上節目為關詠荷深情獻唱

不過講多兩句張家輝就話其實自己唔敢參賽，覺得自己唔夠架生，他笑指自己一生得幾首歌唱得幾好，但在節目中就要不斷晉級唱跳幾十首歌，成件事令他覺好困難。睇翻原來張家輝1997年時曾上TVB節目《回到未紅時》，為太太關詠荷獻唱情歌《真情流露》，令關詠荷感動到喊。

張家輝張家輝1997年時曾上TVB節目《回到未紅時》，為太太關詠荷罕有開金口。（圖片來源：TVB） — 張家輝1997年時曾上TVB節目《回到未紅時》，為太太關詠荷罕有開金口。（圖片來源：TVB）

張家輝深情獻唱張學友的經典情歌《真情流露》。（圖片來源：TVB） — 深情獻唱張學友的經典情歌《真情流露》。（圖片來源：TVB）

張家輝令關詠荷聽得勁冧，仲感動到喊。（圖片來源：TVB） — 令關詠荷聽得勁冧，仲感動到喊。（圖片來源：TVB）

1句說話引網民熱議

至於講到再返TVB拍劇，張家輝話有時心入面係想演，但一諗到冇時間瞓覺就係一個好大的問題，另外最主要的問題就係TVB人工太低，所以冇得諗。他這句「TVB人工太低」引來網民熱議，有網民笑指：「講到人工低泉叔無法反駁」、「最後一句講得好坦白」、「張家輝好真，呢個訪問好正」、「TVB又好嘢喎，人工低呢句嘢都夠膽出街」等。