【延禧攻略】乾隆傅恆魏瓔珞「歷史照」瘋傳 于正：胡說八道！
但近日有網友聲稱收到朋友搵到嘅照片，說是歷史中嘅乾隆、傅恆、弘晝和魏瓔珞，但相中人和劇集中嘅形象相差實在太大，令佢嬲爆狂呼：「他傳了照片我看了立刻關掉，一定要破壞我對『瓔珞』的美好形象嗎！」
相中嘅宮女同劇中吳謹言扮演嘅魏瓔珞相差得太遠了吧？！
傅恆呢個「最帥侍衛」都走晒樣？
皇上更加變咗做人乾！
于正：胡說八道！
網民都睇到嘩嘩聲，仲有網友話要「棄劇」㖭！不過劇集嘅製作人于正就立即喺微博澄清，指乾隆年間相機根本尚未發明出來，仲嬲爆話：「究竟是哪個歷史文盲拿着晚清的照片胡說八道地黑他們？」
于正仲再次喺微博大晒乾隆同令妃 (魏瓔珞) 嘅畫像，力證演員同本尊相似度有幾高！
其實網上瘋傳嘅嘅「乾隆、傅恆及弘晝歷史照」，係美國攝影師彌爾頓米勒 (Milton Miller)於1861年到中國拍攝嘅晚清人物，至於所謂「歷史裡的魏瓔珞」，則是晚清時期出宮採購物品嘅宮女，與劇集根本毫無關係！
傅恆 最帥侍衛
高顏值小鮮肉許凱喺《延禧攻略》中飾演與女主角魏瓔珞（吳謹言 飾）曖昧嘅富察傅恆，因為呢部劇集擄獲唔少各年齡層女性嘅心，仲人氣急升成為一線小生，被封「最帥侍衛」！
其實許凱唔單止有顏值，演技亦都有返咁上下，充份詮釋到傅恆成熟穩重、足智多謀嘅個性，更被《延禧攻略》嘅製作人于正稱讚係「眼技戲骨」！
劇中嘅傅恆大部分時間都Cool到爆，卻有特別嘅魅力！對其他女人都冷若冰霜，唯獨對女主角魏瓔珞會展開笑容，傅恆深情嘅形象令唔少觀眾都好受落啊！
許凱真係可以話係天生為了古裝而生嘅男人！雖然年輕嘅佢今年先23歲，但天生高大有型，加上一雙濃密劍眉、立體深邃嘅五官，令佢就算著起官服、剃咗光頭都份外有英氣！
聶遠 成熟版乾隆
有煲開內地劇集的劇迷可能會覺得這位乾隆皇帝熟口熟面，原來現時40歲的聶遠曾扮演四大名著影視劇《三國》的趙雲及《西遊記》的唐僧角色。
聶遠出生於貴州，於2000年在上海戲劇學院讀書時就已經開始拍戲，他曾表示自己最玩命的時候，可以兩天拍一集，更試過一年拍了140集電視劇和一部電影，可見其產量之多！
他曾拍攝過不少劇集，包括《大唐情史》、《倩女幽魂》、《貞觀長歌》及《雪山飛狐》等，其後亦開始走紅，並獲內地媒體將他與黃曉明、佟大為、印小天並稱為「中國新四小生」！
曾落選男主角成人生遺憾
不過，其實聶遠曾透露自己曾於一次試鏡中落選了男主角，從而成為了其人生中的一大遺憾！而他落選的劇集男主角就是當年由劉亦菲和黃曉明主演的古裝武俠劇集《神鵰俠侶》。
此外，今次聶遠在《延禧攻略》中扮演乾隆亦非第一次，是相隔17年後，再次飾演同一角色。他於訪問中，指這次的乾隆是35歲，與他真實年紀差不多，加上現在心態更從容，沒有了當時二十出頭青澀的眼神，自覺今次比以前多了一份成熟。
