58歲尹天照一個原因拒再拍殭屍片 2023電影版搵佢頂上！

電影版召集兩代馬小玲 況天佑、山本一夫、金未來全部易角！

對於兩代「馬小玲」將會同場演出，網民似乎有好多意見，不少人在討論區留言覺得吳千語唔夠班做馬小玲，除了劇中靈魂人物驅魔少女「馬小玲」一角將由吳千語飾演，「況天祐」就由黃宗澤飾演。此外楊恭如的角色王珍珍，將會由蔡潔飾演，陳啟泰的角色山本一夫，就由呂良偉飾演，而張文慈的角色金未來，則搵來出爐金像女配角廖子妤飾演。

41歲黃宗澤為「況天佑」試妝？！

傳出飾演經典角色況天佑之後，最近網上見到一張黃宗澤搽白臉的造型照，一度被誤會係電影版的 「低成本」殭屍妝，但原來只係今年中秋Bosco 郊遊時的近照：

「我啲朋友擦防曬都可以搞下笑！咁我就半推半就咁影咗呢幾幅相！唉」

尹天照拒再拍殭屍片 轉做道士收服中國第一美腿吳春怡

尹天照北上發展多年撈得好掂，成為基督徒後他堅拒再演殭屍角色，不過最近在國內網路電影中就演法力無邊的道士，與中國第一美腿年約30歲的吳春怡有對手戲，面對後生靚女演員，不禁令人想起當年的「霸王硬上芒」事件。

現年57歲的尹天照憑住當年《我和殭屍有個約會》賺來的知名度，近年轉往國內發展，參演的劇集與電影都是做男主角，日前他主演的網絡電影《戲法師》上架即成為收視榜首，可見尹天照在內地仍甚有市場。

尹天照曾表示不再拍鬼片

雖然尹天照曾表示因信仰關係，不會再演殭屍角色，連鬼戲都不接拍，不過他在新作《戲法師》中飾演的戲法師，其實是道士，有斬妖除魔的能力，其中一幕尹天照更會收服有中國第一腿之稱的吳春怡。

尹天照遇性感對手一本正經

日前吳春怡在微博公開分享了不少拍攝花絮，當中有多張與尹天照的合照，久未在港露面的尹天照外表未有太大改變，穿上古裝的他一臉嚴肅，遇上飾演妖精、風情萬種的吳春怡都目不斜視，尹天照等埋時都要用暖手包，相信拍攝期間天氣非常寒冷，反而一身tube top短褲打扮的吳春怡就愛靚唔愛命，騷身材大過天。

Mango要為自己平反

Mango早前被邀請上潘紹聰個節目《恐怖在線》本來是講有關靈異事件，最後卻演變為自己大平反，對於當年曾捲入「霸王硬上芒」事件，Mango事後被指造新聞博上位，她在節目中說：「我都唔會怪人，好多以前新聞誤會我人格，而我冇機會去解釋、平反，加上以前唔夠膽去講，就算係事實，但公司都想我講少句，等大家淡忘件事。但其實唔係咁囉，我離開咗都係咁，到你死嗰刻都係帶住呢樣嘢去死。」

Mango被網民咬住唔放

Mango在節目中被不少網民咬住唔放，留言話佢當年屈某男星非禮，Mango表示有時睇到鬧自己的留言會睇到喊，即使信了佛，仍難以放下，她還在節目中爆料說：「啲人話我冤枉某某人非禮我單新聞，講真當時自己戇居，公司幫我開記者會我只識喺度喊，唔識去解釋，因為好驚，一個女仔二十出頭，唔會生安白造，咁冇面嘅嘢。」

Mango自怪當年唔識處理

Mango在節目中憶述當時情況：「當日係開鬼門關嘅日子，我喺清水灣亞視間廠拍嘢，平時劉以達同佢老婆好錫我，每次都會車我返屋企。但嗰日冇佢戲份，但嗰位演員，唔想開名，走埋嚟話收工一齊去食飯，就一齊去食消夜，嗰次係我第一次接觸呢位『男主角』。食完飯佢話住將軍澳，順路兜埋我，就成個人好快咁擒上我身上，唔係誇張，唔好話發毒誓，總之我唔會講大話，我係要求佢放我走，佢好大力壓落嚟，我係咁喊，求佢放我走，真係喊到唔敢返屋企，只搵一位好姊妹講，之後又返公司繼續開工，點知位『男主角』當冇事發生，我嗰刻真係好想殺咗佢！」

Mango再爆男主角係慣犯

對於被質疑事發時為何不即時去報警，Mango說：「我驚吖嘛。但後來我又覺得係喎，點解唔報警，我咪去囉，好似係藍田差館，太耐唔記得，但當時一位madam錄口供，話嗰個人喺佢哋差館有6次非禮人嘅紀錄，我真係發誓我冇講大話，但以前冇咁多天眼，衫都洗埋啦！我成日畀人去鬧去話，我已經好慘，當時細個發生呢啲事俾人話我屈佢，好慘。」而潘紹聰打圓場說：「人比鬼更加恐怖，放下啦！」

男主角反指Mango造新聞

翻查當年的新聞，Mango參與過亞視《我和殭屍有個約會3永恆國度》，04年8月她聲稱遭同劇對手非禮，指對方於駕車送她回家途中，強行拖手、強吻，甚至想伸手入其衫內，四十五分鐘後她才成功逃脫。嫌疑人尹天照表示樂意與Mango當面對質，Mango最終報警，尹天照公開否認非禮她，更雙手發誓表示自己清白，直斥對方想借他提高知名度。雙方各執一詞，引發不少爭議，後來警方表示不予起訢，事件告一段落。