將赴日拍AV 麥紫莉 ：唔怕搵唔到男朋友
廣告
長沙灣一商場今日舉辦寫真活動，幾位性感索女為寫真月刊宣傳，其中最爆莫過於日前宣布去日本拍AV的36G麥紫莉 (Chili)！期間Chili親切地同粉絲合照，仲唔小心請一位男士食波餅，佢受訪時承認公司為佢簽了兩部AV，片酬係每部20萬港元！只得20歲的Chili近日成為風雲人物，不過同場兩位姐姐對其言行似乎就唔係好同意啦！
麥紫莉 ：港產AV女優第一人
擁有36G激爆上圍的Chili本為唔多出名的?模，不過日前傳出佢下個月將遠赴日本拍AV，成為第一位香港AV女優，令佢頓時成為風雲人物！據知Chili身世坎坷，父親早年病逝，媽媽則患有腎病需要長期接受治療。所以Chili中六畢業、打工幾年後把心一橫，決定下海拍AV養家！
延伸閱讀：
經典寫真女神逐個睇
2017港姐 12強一覽
麥紫莉 ：我唔怕打真軍
Chili接受訪問時言出驚人，表示自己自小已因為身材而受困擾，試過俾人喪望又俾人非禮。對於拍AV一事，佢就灑脫咁話：「同普通搞嘢一樣之嘛，只係多咗啲鏡頭，我唔怕打真軍，聽講日本男人持久力有限，下面（下體）又唔係巨物，我有乜好驚？」佩服佩服！
麥紫莉 ：唔擔心搵唔到男朋友
今日Chili喺一商場出席寫真活動，身穿露肩連身裙示人，未有勁晒事業線不過一樣有睇頭，同粉絲合照時仲請對方食波餅！成為新聞人物後難免有啲緊張，不過Chili全程笑容滿面，尚算淡定。受訪時佢承認已經簽了兩部AV合約，不過未有透露詳情，又表示家人唔太贊成，但為賺錢都冇得後悔。另外Chlil又稱自己現時冇拍拖，亦唔擔心因拍AV會搵唔到男朋友！
Chili表示拍攝前會參考神級女優波多野結衣的作品，同時稱要努力減肥，現時上圍雖有36G，但體重逾120磅，希望可以瘦人不瘦胸。
曹思詩：「我建議佢俾人包好過。」
同場的曹思詩今年推出寫真集《Sexy on the Beach》，佢指自己係sell健康性感、陽光，今次寫真最激會有半裸同T-back。對於Chili會拍AV，CC就直言唔會效法，因為會俾全世界睇晒，而且有機會染病：「我建議佢俾人包好過。」
林雅詩：唔會為錢做呢啲事
至於林雅詩被問到如何同一眾模特兒鬥法，佢就話自己係平常心面對，只希望拍靚相留念。對於拍AV，林雅詩稱依家啲女仔好叻，有唔同諗法，鍾意做咩都得，但自己就一定唔會考慮，唔會錢做呢啲事！
