封盤唔封胸《3日2夜》咪神胡美貽撻著超級富二代

撰文、圖片：東方新地

《3日2夜》「元祖級」咪神胡美貽歸位

《 3日2夜》向來以靚女著三點式玩水、浸溫泉作賣點，多年來捧紅唔少小花，張曦雯、張秀文、陳婉衡、陳偉琪等個個博到盡喺節目中著泳衣曬太陽、浸溫泉，盡騷火辣身材，更獲網民熱捧！家陣節目即將復活，一班咪神亦蠢蠢欲動，其中擁有35D逼爆上圍、「元祖級」咪神之一嘅胡美貽亦將會重出生天再度亮相！

自家生意受疫情影響 負面情緒爆燈暴瘦廿磅

2017年參選港姐，之後入讀藝員訓練班，胡美貽其實拍過唔少劇集如《 愛·回家之開心速遞 》、《 機場特警 》、《 黃金有罪 》、《 白色強人 》、《 再創世紀 》等等。早前於《 法證先鋒 IV 》中更扮死屍被李施嬅解剖，只著住底衫褲瞓喺冰冷嘅手術台上，專業演出獲唔少網友讚賞㖭！

除演藝事業外，26歲嘅胡美貽百足咁多爪，年前更殺入商界大搞榴槤甜品生意，仲連開三間分店，可惜近月由於疫情影響，生意一落千丈，為慳人工開支更親自出馬落舖頭幫手，樓面、打雜一腳踢，食冇定時搞到體重暴跌近廿磅，就連生理周期都亂晒龍， 再加上負面情緒影響，胡美貽自稱要睇心理醫生呀陰功！好彩家陣《 3日2夜》翻生，嚟緊10月又有工開，疫情又漸漸放緩，應該明天會更好嘅！

拖富二代鬧市出巡

身為新一代宅男女神的胡美貽已單身一段時間，日前佢宣布「封盤」，被影到與富二代Reeve拍拖出巡，期間又拖又攬，非常甜蜜。據知胡美貽男友Reeve今年28歲，從事餐飲、金融及外國地產生意，二人拍拖已大半年。男方家族投資有道，最近以3.3億出售持貨七十年的旺角單幢物業，名副其實係大富之家。而Reeve與不少圈中人熟落，曾在社交網上載與伍樂怡滑雪、跟JW飯敍的照片，又不時大晒名車，可以講得上係超級富二代。

有米男友唔止錫到胡美貽燶，仲唔介意做司機接送同埋陪女友行街，當日Reeve駕駛價值200多萬嘅名車送胡美貽返屋企。事後Nicole受訪時大方認拍拖，仲話依家係開心嘅。咪神封盤都唔緊要，最緊要唔好封胸就得喇！

更多胡美貽靚相（翻攝自IG）：