富貴千團｜傅嘉莉奪最佳女配後首部劇演老千 造型百變成熟又性感 仲係前新聞小花？
廣告
一共有十集的《富貴千團》由1月27日（年廿八）起逢周一至五晚8點半於TVB翡翠台播映，今次也是傅嘉莉（Kelly）奪得最佳女配角獎後首部播出的劇集！
《富貴千團》傅嘉莉 扮演千團成員「PUA公關」
傅嘉莉在劇中將飾演Smart CAP投資學院的「PUA公關」Irene，也是以威廉（黃子恆飾）為首的千團成員之一，齋睇預告已可以發現她的造型相當百變，既有專業知性美，又有成熟性感的一面，戰鬥力十足。
傅嘉莉曾兩次遇騙險被騙財
《富貴千團》故事圍繞騙局，傅嘉莉出席劇集宣傳時，透露她與張寶兒也曾遇過電話或網上騙案，幸最後都有所警覺，未有中計。傅嘉莉說︰「曾經有人來電講出我全名，指我喺網上發布政治訊息，要見我，但約見兩次都不順利，我先醒覺有問題！仲有一次，我喺網上賣手袋，買家要求搵中間平台交收，好彩我冇撳到佢提供嘅連結，否則就會被騙財。」
角色原來係前新聞小花 將於年初七登場
《富貴千團》在2021年拍攝，當時劇集曾暫名為《OPM》，傅嘉莉曾自我介紹說：「我係《OPM》劇中 Smart Cap 投資學院的三大導師之一、前新聞小花、窩輪天后，我叫 Irene Li 李葆琳！」
不過傅嘉莉在劇中戲份不算多，要由第6集才開始登場，即是年初七（2月4日）。
