龍虎豹蛇合體！容祖兒趕及攞簽證 飛美國見證阿嬌婚禮
撰文：東方新地 ｜圖片：Instagram、新傳媒圖片
龍虎豹蛇合體！容祖兒趕及攞證 飛美國見證鍾欣潼結婚
Joey興奮地發文表示：「傻人有傻福，經歷了最驚險的四天，機票改了又改。尋晚出境又唔記得帶身分（份）證，在飛機又成晚瞓唔着，到步後仲唔見左（咗）頂帽，頭大容量細的悲歌。總之過程唔重要最緊要結果，我終於在最後一刻拿到簽證，可以給我最親愛的嬌一個驚喜，開心感動刺激兼而有之，我嘅人生好像過山車一樣，祝明天一切順利！#龍虎豹蛇合體」
傻人有傻福 經歷了最驚險的四天 機票改了又改 尋晚出境又唔記得帶身分證 在飛機又成晚瞓唔着 到步後仲唔見左頂帽 頭大容量細的悲歌 總之過程唔重要最緊要結果 我終於在最後一刻拿到簽證 可以給我最親愛的嬌一個驚喜 開心感動刺激兼而有之 我嘅人生好像過山車一樣 祝明天一切順利 #龍虎豹蛇
Joey Yung 容祖兒（@yungchoyee）分享的貼文 於 張貼
兩人低調籌備婚禮事宜，據知一對新人選在洛杉磯一間有近百年歷史的五星級酒店「Millennium Biltmore Hotel Los Angeles」舉行婚禮，預計半百親友見證新人的喜悅。
Finally!!!! 經過數日嚟嘅努力 終於禽日攞到簽證 即刻買到機票飛過嚟!! 真係孝感動天😭😭😭😭 #齊腳 #開枱 #全世界最大頭🍤嘅容祖兒 #去到機場又唔記得帶身分證 #仲跌埋頂帽係機場 #係咪激死 #不過過程唔重要 #最緊要結果 👍🏻 #龍虎豹蛇
Charlene Choi（@choisaaaa）分享的貼文 於 張貼
醫生男友賴弘國求婚 阿嬌怕醜甜笑
阿嬌於早前宣布與台灣醫生男友賴弘國訂婚喜訊，說是「在對的時間遇到對的人」、更力讚賴弘國「超過100分」、「包容我所有壞習慣」，真的是超幸福呢！同時她亦否認大肚傳聞，更笑言：「我5月演唱會喎！」
而阿嬌被求婚一刻片段在較早前曝光，當日正是阿嬌1月21日37歲生日當天，特別有意義，據知當日賴弘國在阿嬌家中秘密布置求婚現場，在窗簾上掛住不少星形藍色閃燈和氣球，在浪漫氣氛下跪在阿嬌面前，向佢遞上鑽戒，阿嬌怕醜甜笑，向男友伸出左手，帶上訂婚鑽戒後，就同男友來個甜蜜抱抱，引發現場朋友一齊歡呼！恭喜晒！
阿嬌宣布訂婚 Mani送祝福
阿嬌宣布訂婚後，其經理人霍汶希（Mani）回應表示：「好開心知道呢個消息，因為其實我都等咗今日好耐，希望阿嬌永遠幸福，其實阿嬌係一個非常非常之值得人愛嘅女仔，佢亦都係一個心地非常好嘅女仔，希望佢嘅另一半能夠永遠幸福 ，令佢永遠都可以有愛嘅感覺！」
阿嬌宣布訂婚 好姊妹容祖兒送祝福
而同阿嬌同公司嘅大師姐兼好姊妹容祖兒表示：「昨晚睇到佢個instagram，其實我真係好開心同埋好感動，嗰一刻有啲想喊，咁一直以嚟我覺得阿嬌係一個好好、心地好善良，好有愛心嘅女仔，喺我心目中佢好值得有一個人全心全意咁去愛佢、照顧佢同埋錫佢！咁亦都覺得佢好ready進入人生嘅另一個階段，無論佢嘅年紀同狀態，咁所以真係知道呢個消息，作為佢嘅好朋友真係好高興，咁我梗係好開心聽到呢個消息啦！但未知幾時真係結婚嘅，不過無論佢幾時我都一定會mark好個期同佢分享呢個人生最大嘅日子！所以好希望大家都戥佢高興，都祝福佢啦！」
阿嬌甜蜜談婚訊
阿嬌之前出席藝人惠英紅生日會，接受傳媒訪問，首度回應與男友賴弘國訂婚一事。一開始阿嬌高舉雙手，笑稱今日唔記得戴戒指，又話未婚夫太邋遢所以唔帶佢出嚟見人。阿嬌稱被求婚時自己無喊，反而係宣布訂婚時超級緊張，「紅都面晒」幾個鐘頭，而且個心跳得好快！
另外，兩人雖然係異地戀，不過阿嬌冧爆指賴弘國落力去維繫，就算自己因工作唔可以成日去見佢，但對方都會盡力配合，激讚未婚夫超過100分呀！
雖然同賴弘國只係拍拖半年左右，不過阿嬌都願意付託終身，佢就話未婚夫當然有佢價值，對自己好好：「對嘅時間，遇到對嘅人。」而賴弘國最令阿嬌感動的，係對方的包容：「佢好包容晒我，我好多壞習慣，畀晒壞嘅一面佢睇，佢照單全收。我唔會包裝自己，好攰！」
至於最重要的婚禮，阿嬌就話雖然已知會雙方家長，但其實咩都未plan好，有消息會即時通知大家，更稱之後會帶埋未婚夫出來同大家見面，由佢自己親口交代求婚過程及婚禮詳情等。再次恭喜阿嬌！
阿嬌情路屢受傷害 終于覓得理想情人
現年37歲的阿嬌鍾欣潼雖然是衆人的女神但在情路上可以說屢次受傷，2017年10月突然公開與「台灣醫界王陽明」賴弘國相戀，男方大有來頭，有學識，有外貌更是貼心暖男，二人拍拖後不時在IG放閃，羡煞旁人。想不到還拍拖不到一年就閃婚，根據消息人士透露，二人都很喜歡小朋友，想趕在狗年生BB所以一拍即合。因爲阿嬌剛開完演唱會需要做激烈的運動和表演，相信應該不是奉子成婚。
連好姐妹阿SA 都留言祝福相信一早已經知道賴弘國會有所行動
拍拖未夠一年不時甜蜜曬恩愛
二人不時到處旅行，曬恩愛合照，就算相隔兩地也不是問題，而阿嬌也放下明星身段，願意做跟得夫人陪男友到外地談公事，絕對是100分的女友。
阿嬌情史豐富
鍾欣潼向來是一眾男士心目中的女神，與余文樂、麥浚龍、方力申，都傳過緋聞，但得到阿嬌確認的只有陳冠希和2012年曾公開戀情的韓籍男友K先生權寧一，可惜他們都不是阿嬌的真命天子，戀情瞬間即逝，不過近日阿嬌終於再度公開戀情，重新投入愛河，對方就是「台灣醫界王陽明」賴弘國。
二人經朋友介紹撻著
阿嬌早前到台灣拍劇，有知情人士透露他們經過朋友介紹，一見面就對對方產生好感，男方更出了不少冧招打動冰山女神！
賴弘國與王陽明（右）一起拍攝公益短片真的有如孖生兄弟！
賴弘國喜愛健身，絕對能保護嬌小的阿嬌！Man爆啊！
感情滋潤春風滿臉
早前阿嬌post出淡妝照，令人驚訝，已經37歲的她笑容有如少女般甜美，原來是有了愛情的滋潤！還在網上放話喜歡食台灣美食，原來有言外之意！
恨生小朋友 第一胎想生囡
阿嬌曾在訪問中說過很喜歡小朋友，特別是女孩子，看她IG的相愛心爆棚就知道，她一定會是個好媽媽！阿嬌一定要幸福啊！
