公開11位女星疑似家暴事件 打到要送入醫院！
撰文：東方新地｜圖片：新傳媒圖片、畢瀅微博、洪欣微博、張丹峰微博、節目截圖
公開11位女星疑似家暴事件
貝依霖爆童年慘遭受家暴經歷
Chantale就講到自己細個時居無定所，更直言自己好憎父母，並解釋自己憎父母嘅原因除自小冇點照顧佢之外，原來爸爸更會出手打Chantale，仲會打到爆晒缸。
除咁將十幾條藤條綁埋一揸打，更會用玻璃煙灰缸扻落個頭度，唔係當時人講，隨時以為係大台劇嘅劇情！
被家暴原因
至於點解會不時被爸爸打，Chantale就指因為爸爸更年期，加上後來生意唔好，同時亦因為爸爸覺得個女腳頭唔好，所以特別唔鐘意Chantale！
洪欣 回應疑似家暴事件
上年，10月2日晚，洪欣突然在微博發文：「打女人的男人要不得。」令人非常擔心，懷疑發生家暴，其經理人更一度指未能聯絡到洪欣。
不過翌日早上洪欣現身澄清，指她說的是一則18歲男子在街上打老奶奶的新聞，但是有很多網民都認為根本是勉強打圓場。
網民一致認為洪欣知道事態嚴重就急忙自圓其說，好像不相信洪欣說的只是一單新聞！
肥媽 曾慘遭家暴
觀眾平時見到的都係肥媽強悍一面，或者同六號(陸浩明)嘻嘻哈哈教煮餸，你又點估到佢曾經係家暴主角？肥媽在去年大台節目《關你家事》中公開自爆受家暴，事緣18歲果時，肥媽嫁俾大過佢22年的菲律賓酒廊琴師，對方家境平俗，家庭經濟全靠肥媽支撐，養活一家八口。
前夫曾偷食女傭
肥媽透露前夫婚後一年即失業，每月攤大手板問佢攞錢，每次出糧都要成個糧袋都交俾對方，但每每未到月尾就已經花光。所以肥媽的子女們都勸佢離婚，認為如此下去肯定冇前途。肥媽仲話前夫曾偷食家中女傭，令對方懷孕，衰到冇人有！
拳打腳踢 出刀仔
以為咁樣做已經夠賤？低處未算低！當前夫覺得肥媽自力更生，佢就想完全控制肥媽，不時拳打腳踢，連刀仔都出埋！只求打到你服。好彩肥媽夠健碩，擋到幾下刀攻拳踢，不過咁做已經傷透佢心，更對小朋友造成好大影響。雖然已經過去多年，但肥媽在節目中重提呢段慘痛經歷時都忍唔住爆喊，仲話家暴唔係講改過、原諒就可以當冇事發生過，陰影係跟一世嘅！
幸好肥媽找到幸福，現任老公Rick對佢極好，令佢重拾信心，現時肥媽有6個仔女、13個孫，得閒登台得閒、弄孫為樂，總算苦盡甘來！
林雅詩
林雅詩去年都有份上節目《關你家事》，同肥媽齊齊剖白被家暴，講開傷心事，兩個都淚灑當場。林雅詩指前夫溫文英發脾氣時會搣個仔，搣到囝囝手臂瘀青，或者個仔做緊功課時「chok」他，原本林雅詩打算啞忍，但發現逐漸影響兒子的情緒，兒子在學校好怕事，聽到小小聲都成身震！
直至到2015年，溫文英被影到當街攬啜女子，林雅詩亦死心不再忍，正式離婚，復出娛樂圈養囝囝。
黎燕珊
香港電視藝員兼首屆「亞洲小姐」冠軍黎燕珊，因不堪丈夫劉永虐打，決定申請離婚，與劉永結束8年的夫妻關係！
黎燕珊選擇向香港最高法院申請人身保護令，禁止劉永靠近自己，以保障自身和一對子女的安全。黎燕珊的做法雖然罕見，但是卻是對抗家暴的好辦法。
黃奕
2014年6月16日，內地女星黃奕工作室微博發表聲明，對丈夫黃毅清提出離婚訴訟和名譽侵權訴訟，其中聲明中更是指責黃毅清曾多次對黃奕施行暴力，甚至在女方坐月子期間，私生活不檢點，而且微博更是曬出黃奕受傷照片，報警後的驗傷證據及男方的保證書。
不過黃奕自貼傷勢相後，不少網友話「傷勢」看起來有點假，似是P圖，但遭黃奕否認！
那邊廂黃毅清不甘被屈，上傳兩條家中監視器拍下的短片，一段係夫妻嘈交，講緊電話的黃奕話：「他家暴了！他把我頭撞開，你趕緊把記者請來，他打人了！」黃毅清阻止反問：「我打你了嗎？」真係誰是誰非不得而知！
羅霖
「美魔女」羅霖當年同前仁濟主席劉坤銘結束16年婚姻，離婚原因眾說紛紜，但一直有傳她曾被家暴，多年後她出席公開活動時，含淚自爆離婚原因係家暴，在她身上發生過一次，羅霖又謂唔想嚇親小朋友，所以未有報警：「佢哋(兒子)喺房裏衝出嚟問，我只係話普通嗌交。」問有否受傷？她說：「唔係好犀利，我冇還手，因為都唔識反應，之後我提出分居。我都唔想小朋友介入咁複雜嘅情緒入面，希望佢哋乜都唔知，只係知道爹哋、媽咪性格唔啱。」不過前夫劉坤銘否認之餘，反指她攞家暴嚟博宣傳！
賈靜雯
台灣女星賈靜雯走紅不久，與孫志浩結婚，可惜在誕下女兒梧桐妹後不久便離婚。賈靜雯自爆離婚的真正原因遭到丈夫的家暴，加上丈夫出軌，令她大受打擊故選擇離婚。
當年二人為爭取女兒撫養權而打咗多年官司，賈靜雯更不惜開記招控訴前夫搶囡囡，因為長達半年以上都見唔到女兒梧桐妹一面，所以在無助又無奈的狀態下開記者會。
可嵐
歌手可嵐2010年下嫁圈外人尤子威後，於2014年7月突然爆出遭受家暴，並開記者會指婚姻四年內不時被暴力傷害，宣布離婚。之後二人一直為兒子嘅撫養權同贍養費爭拗，仲搞到要對薄公堂。
可嵐表示單係打官司都打咗一年，二人最終以調解方式解決，她成功獲兒子撫養權及贍養費，二人在融洽情況下完結咗件事。
江希文
江希文為全國政協委員兼資深大律師胡漢清未婚生女，但囡囡未滿兩歲二人已分手擘面，今年年初更為爭女兒Natalie的撫養權和生活費對簿公堂。江希文曾她向傳媒展示左腹半呎長瘀傷的相片，疑被打的江希文表示已報警處理。
不過身在英國的胡漢清也不甘示弱，透過友人越洋反擊，指被人以刀柄鋤傷，受傷照亦隨之曝光，真係清官難審家事！
鄺敏慧
線電視力捧主持崔建邦，涉嫌於周二(22日)與緋聞女友鄺敏慧(Elizabete)因感情瓜葛爭執，女方報稱被人「叉頸」毆打。鄺敏慧到灣仔律敦治醫院驗傷及報警，事後由「CID」帶署落口供，警方請崔建邦協助調查。
其實當年有傳「中巴」鄺敏慧的介入，令崔建邦和唐詩詠分手，現崔建邦又涉嫌毆打，負面新聞接二連三，但唐詩詠都力撐前度沒有動粗，又勸鄺敏慧多讀聖經令心境平靜。
曹央雲
曹央雲係94年亞洲小姐季軍，同屆冠亞軍分別是李妮及王慧嫻，曹央雲翌年代表香港參加世界亞裔小姐並贏得冠軍、最上鏡小姐及民族服裝獎，惟之後星運平平。01年曹央雲被爆認識時任嘉域集團主席何永安，先後為對方誕下兩女。09年4月，曹央雲在山頂加列山道豪宅報警稱被人襲擊，導致面頰、口角及手部受傷送院，其後曹央雲與何永安分手，她獨力照顧兩名女兒。
