【安心偷食】情傷馬國明苦撐拍《降魔的 2.0 》心事重重呆坐天台

馬國明苦撐開工

女友偷食曝光震驚全城，同心穎拍拖三年一直被對方利用上位的馬國明，飽受情傷依然為女友護航，近日忙於趕拍《降魔的2.0 》，被追訪的他開腔護女友，坦言知道事件後，好快冇嬲嘅感覺，反而係變成擔心：「我擔心牽涉到呢件事嘅所有人，任何一個受到傷害我都唔希望，我可以代表佢講少少嘢，我知佢都知道自己做錯，好想出嚟同大家講，但公司驚佢（心穎）情緒唔穩定講錯嘢，所以冇畀佢出嚟，佢仲好年輕，未來仲有好長嘅路要走，希望大家畀啲空間佢！」女友偷食片傳遍世界各地華人區，成為花生友茶餘飯後熱話，正在趕拍新劇《降魔的 2.0 》的馬明，雖然備受打擊，但為了不阻礙劇組拍攝進度，事發後繼續苦撐開工。

冇晒心機

馬明和韋家雄在土瓜灣一棟大廈天台拍攝，拍攝時仲好專業，一停機就顯得冇厘心機，同韋家雄及同場工作人員都冇乜兩句。

呆坐天台

不停講電話

在土瓜灣天台由朝拍到晚，馬明一有空檔就不停講電話及覆短訊。其實好男人馬明真係要當機立斷遠離邪花，未來還有好長嘅路要走，唔好再令愛佢嘅阿媽擔心！

連環電話乞憐

心穎爆偷食醜聞，馬明仍開腔維護女友，大方贏盡人心，被指係絕種好男人的他，姣心穎當然唔會放過繼續利用，近日她就以奪命追魂call及瘋狂whatsapp，向馬明爆喊扮可憐求復合，再次利用筍盤博翻身。

安心偷食後黃心穎避走洛杉磯

昨日有傳媒在美國洛杉磯機場捕獲黃心穎，記者不停上前問黃心穎「今趟來美國是否避世？」、「有沒有跟Sammi鄭秀文和馬國明道歉？」、「跟馬明是甚麼關係？」等等，但黃心穎全程只是低著頭，沒有回應記者任何問題。

然而，只帶幾件行李的姣心穎與朋友本想到機場上層坐Uber，但因等得太久，結果心穎跟友人說「坐Taxi」。之後，記者再上前追問，而心穎只看手機避開追問，反則同行女友人說：「佢唔會講嘢㗎喇。」

黃心穎IG親自回應：我無法面對自己

黃心穎上星期在IG留言：「對不起，我做錯了。是我做了非常錯誤、難以令人原諒的事，感到十分羞愧、歉疚。我在此向所有受事件影響及受到傷害的人誠心由衷道歉。
犯下如此嚴重的過錯，我無法面對自己，也不知道怎樣去面對家人、馬明、朋友、公司、同事…… 不敢奢求大家的原諒，只懇求大家能給予所有受牽連的人一點空間。
我認真反省自己的過失, 接受懲罰承擔後果。再一次，對不起大家。」

馬國明如常工作

至於馬國明方面，樂易玲則表示佢OK，大家唔使擔心佢：「馬明佢好乖，佢自己要求繼續開工，叫大家唔使遷就佢，所以佢今晚會繼續如常開工拍攝《降魔的II》外景。」

許志安、黃心穎偷食斷正

該段短片長約16分鐘，片段開首見到安仔、黃心穎和男友人坐在車廂後座，男友人堅持先送黃心穎返家，戴了黑色口罩的黃心穎竟爆粗反對：「唔好扮嘢啦！X你！兜X咗我先？」安仔都撐黃心穎先送男友人返屋企，冧爆的黃心穎搣了安仔耳朵一下，再向男友人爆粗：「你住邊呀？X你！」安仔即叫司機開車往大坑，黃心穎跟男友人說：「佢（安仔）送我返去呀。」

黃心穎主動蹺實安仔左臂整個人挨在他身上撒嬌，兩人更各用手袋遮掩偷玩十指緊扣。約3分鐘後男友人抵家預備落車，安仔話：「而家你走先，跟住我返我屋企，佢（黃心穎）返佢屋企。」男友人：「你講堅？」安仔：「係，堅。」惟當男友人落車後，安仔和黃心穎異口同聲跟司機說：「鯉魚門（黃心穎屋企)！」和安仔獨處時心穎馬上隔住口罩咀了安仔一啖，10秒後索性除口罩埋身攬安仔啜嘴。

咀完後，兩人繼續十指緊扣，之後隱約聽到黃心穎說：「so sad…我好悶…教徒」跟住拉開安仔隻手不再緊拖，安仔惟有順勢將手貼在黃心穎大腿上，3秒後忍唔住又撩黃心穎十指緊扣。由大坑到鯉魚門短短10多分鐘車程，「安心」連環激咀逾20次，全程由黃心穎採取「主攻」情挑安仔，不停攬他狂打茄輪，其中一次纏綿遊戲錫了近1分鐘，咀到啜啜聲，熱情如火的黃心穎邊咀邊將手放在安仔腿部附近游走。