【安心偷食】鄭秀文05年曾患抑鬱症！近月IG屢寫感性文章談婚姻之道

撰文：東方新地｜圖片來源：鄭秀文IG、黃心穎IG｜影片來源：IG

許志安、黃心穎偷食斷正

該段短片長約16分鐘，片段安仔、心穎和男友人坐在車廂後座，男友人堅持先送心穎返家，戴了黑色口罩的心穎爆粗反對：「唔好扮嘢啦！X你！兜X咗我先？」安仔都撐心穎話要先送男友人返屋企，心穎再向男友人爆粗：「你住邊呀？X你！佢(安仔)送我返去呀！」安仔叫司機把車開去大坑，期間心穎曾主動蹺實安仔左臂挨在他身上，又用手袋遮掩偷偷地十指緊扣。約3分鐘後男友人抵家預備落車，安仔話：「而家你走先，跟住我返我屋企，佢(心穎)返佢屋企。」男友人：「你講堅？」安仔：「係，堅！」但男友人落車後二人跟司機說：「鯉魚門(心穎寓所地點)！」

友人下車後，心穎隔口罩咀了安仔一啖，不久索性除下口罩攬住安仔咀嘴，安仔將手貼在心穎大腿上，之後又忍唔住十指緊扣心穎，由大坑到鯉魚門短短10多分鐘車程，期間二人連環咀逾20次，心穎好進激，全程採取「主動」情挑安仔不停攬他狂錫，但安仔也有回敬心穎錫她面珠一啖，睇番二人當晚未覺有醉意，兩人到心穎香閨後齊齊落車，後事如何佢哋最清楚！

鄭秀文 05年曾患抑鬱症

2005年鄭秀文(Sammi)拍完電影《長恨歌》後曾患上抑鬱症，情緒一度受困擾，幸而得到朋友及信仰支持，Sammi走出陰霾康復過來，而喺2011年Sammi和安仔復合後，Sammi就帶埋安仔一齊返「港福堂」教會，同年年底安仔已決志信主，直至12月17日安仔決定受洗成為真正嘅基督徒。

鄭秀文見證安仔受洗：人生中最快樂嘅事！

身為虔誠教徒的Sammi感染了結婚5年的老公許志安信主，Sammi特別揀喺聖誕節在社交網貼安仔受洗短片，她留言道：「呢個係我人生中其中最最最最快樂嘅事。呢種快樂，深到不知如何形容。分享呢條片並不是要放甚麼閃，而是帶着最大的喜悅分享這個時刻。」

Sammi喊住拍片

10年前的12月9日，Sammi在同一地點受洗，老公安仔喺同一個月份、同一個地點受浸，Sammi感受甚深，負責話拍片的她自言激動到喊，手都震埋，所以拍得好差，Sammi寫道：「呢種快樂，是來自心靈上、精神上和靈魂上的，沒有其他快樂可以比擬。安仔受浸了，我再沒甚麼需要擔心他，因為天父會帶領他的每一天。」二人結婚更有了共同信仰，以為婚姻會更堅固，但事實係安仔背妻偷食心穎！

罕有談婚姻之道

上月Sammi與安仔出席男家親友的結婚斟茶儀式，作為長輩兼結婚過來人，Sammi在社交網發長文，大講婚姻及夫妻相處之道，她認為婚姻是要彼此努力，是一場終身學習，要一步一步去經歷才能體現一步一生的幸福。

需要安靜

4月初，素顏Sammi在家表示要靜靜地一個人想想事情。

Sammi近日表示腳傷已康復，胡定欣有留言問候，Sammi也有回應表示多謝。

黃心穎一周前踩場 Sammi未有Like回應

不過，一周前Sammi出post貼黑白相，黃心穎讚話好型，以往跟她IG很多互動的Sammi未有回應和畀like！

黃心穎、安仔拖手合唱

去年10月，心穎同安仔在大台「星光熠熠耀保良」拖手合唱《會過去的》，就是由安仔身邊的男同事安排。當晚心穎跟安仔合唱後有在IG上載合照及寫道：「好記得某年暑假、車上不停loop住《一步一生》呢首歌，當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台！Thank you 安仔好好咁不停同我地rehearse。」

自這次合作後，便不時見到「安心」二人一同出席飯局。黃心穎於今年一月、其30歲生日時，分別與多班好友舉行生日會慶祝，其中一個派對上見到許志安的出現，見他有如男主人一樣，合照上均陪在心穎的身旁。

黃心穎早謀靠人帶關係埋安仔身

眾所周知，Sammi鄭秀文出名熱愛做運動，在她的個人社交網站，不時都見她分享做運動的照片、短片，未知是否受到Sammi的影響，安仔近年亦積極做運動，還會去到GYM Room內積極操練。

而被網友封為心穎BB的「世界級姣精」，最初是透過安仔身邊的工作人員而認識對方，每次見面就似小Fans一樣，所以安仔對心穎的印象都不錯，就連前年，安仔在澳門舉行個唱，心穎都專程到澳門捧場，還在個人社交網站上載安仔的合照。

此外，心穎得知安仔經常到一間專招待「太陽娛樂」旗下藝人的Gym Room內做運動，所以心穎一有機會就黐到安仔身邊，跟他一同到Gym Room。

據知情人士透露，Sammi早就感應到有「狐狸」的出沒，並有意無意都走到安仔身邊，所以她就曾試過突擊上Gym Room，展示正印氣勢，之不過「狐狸」又怎會害怕，不但與Sammi「交心」做好友，齊齊做運動，Sammi還大讚對方是「標準穎」。