孫慧雪擬出性感月曆 網民：出日曆得唔得？

文字：東方新地｜圖片：孫慧雪IG及FB

孫慧雪 散發人妻魅力

孫慧雪雖然已是一子之母，但身材依然勁Fit，日前她社交網上貼出兩張性感靚相，相中她以一間粉紅色廚房為背景，穿著一件肚兜型Bra Top再加上一件超短熱褲，打側身大露背兼隱約「露半球」，充滿人妻的性感誘惑魅力。

連Lilian Kan（簡幗儀）同Vivian Koo（谷婭溦）都大讚孫慧雪「好靚」，谷婭溦更話要以雪雪做榜樣努力瘦身！

雪雪指自己參加了一個Staycation攝影團，影了過千張靚相，司徒夾帶提議為她出年曆，雪雪表示：「而家已經12月，邊出得切？」司徒就回應話可以出2022年月曆。

不過有不少網民都指月曆推出的日期並不是重點，仲問雪雪改為出日曆得唔得？更建議孫慧雪再寫真集！

孫慧雪化身紅女巫

另一日孫慧雪Cosplay《復仇者聯盟》系列入面的緋紅女巫造型拍廣告，雖然雪雪留言話：「其實每個造型，每張相，看似簡單，其實都包含咗一班人嘅努力同付出！希望大家睇得開心」

跟住楊潮凱留言封雪雪做「廣告天后」，梁麗翹亦睇到心心眼。

但網友就全部將重點放在雪雪Deep V上衣中間的深長事業線上，大讚雪雪好正好性感！