晒孖女聖誕萌照 熊黛林︰合照真係好難影
廣告
聖誕節日唔少父母都會幫小朋友影相，留下美好一刻。不過，要幫「冇時停」嘅小朋友影相絕對有難度。呢日，熊黛林（Lynn）專程為一對孖女打扮留影，記錄小公主們的首個聖誕節。不過，兩位小朋友似乎「完全唔受媽咪控制」，一個「向左」，一個「向右」，搞到Lynn冇晒符。
撰文：Chloe | 圖片：熊黛林 微博 ｜編輯：東方新地
熊黛林晒孖女聖誕萌照
熊黛林(Lynn)呢日上載了孖女Kaylor同Lyvia嘅「紅噹噹」聖誕造型萌照。眨下眼，一對寶貝女已經8個月大，Lynn幫佢哋著上紅色衫，戴埋聖誕帽，相當可愛。
不過，一對寶貝女似乎就唔係好合作，點都唔肯望鏡頭，仲周圍走。兩孩之母Lynn終於明白幫小朋友影相甚艱難，佢留言：「小公主們的第一個聖誕節，合照真的太難拍了，我已經盡力了。」
Lynn除咗幫愛女影相，當然唔少得同孖女合照，留下美好一刻。
Kaylor眼仔碌碌，大眼睛似足媽媽，越大越精靈。
唔少網友留言大讚孖女，「得意到爆」，仲話佢哋「係父母嘅完美組合」、「Cutie Pie」。
關鍵詞
熊黛林
